سوڭعى 3 جىلدا قانشا قازاقستاندىق كولىك جۇرگىزۋ قۇقىعىنان ايرىلدى
بۇل تۋرالى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ ايتتى، دەپ حابارلايدى قازاقپارات ءتىلشىسى.
«بۇگىندە پاترۋلدىك پوليتسيانىڭ ساپتىق بولىمشەلەرىندە شامامەن 9 مىڭ پلانشەت بار. ول ىشكى ىستەر ورگاندارىنىڭ بازاسىنا، باس پروكۋراتۋرانىڭ «اكىمشىلىك وندىرىستەردىڭ ءبىرىڭعاي ءتىزىلىمى» جۇيەسىنە قوسىلعان. جول ءجۇرىسىن قاداعالايتىن ءاربىر قىزمەتكەر وسىنداي پلانشەتتەرمەن قامتاماسىز ەتىلگەن. وسىعان وراي جول قوزعالىسىن قاداعالاۋ بارىسىندا جۇرگىزۋشى كۋالىگى بەرىلگەنىن جانە كولىكتىڭ تىركەلگەندىگىن تەكسەرۋ اتالعان پلانشەتتەر ارقىلى جۇزەگە اسىرىلادى»، - دەدى ول.
ونىڭ اتاپ وتۋىنشە، قازىرگى ۋاقىتتا پلانشەت كومەگىمەن جۇرگىزۋشىنىڭ كىم ەكەندىگىن، جۇرگىز ۋ شى كۋالىگىنىڭ بار-جوعىن، جارامدىلىق مەرزىمىن، كولىك قۇرالى تۋرالى مالىمەتتەردى تەكسەرۋگە بولادى.
«پاتۋرلدىك پوليتسيا جۇرگىزۋشى كۋلىگىنىڭ جارامدىلىق مەرزىمىن تەكسەرەدى. بىزدە جۇرگىزۋشى كۋالىگى 10 جىلعا بەرىلەدى. سونىمەن قاتار جۇرگىزۋشىنىڭ كولىك جۇرگىزۋ قۇقىعىنان ايىرىلعانى نە ايىرىلماعىندىعى جانە كريمينالدىق ەسەپتە بار- جوعى تەكسەرىلەدى. سوڭعى 3 جىلدا 110 مىڭنان استام جۇرگىزۋشى اكىمشىلىك جانە قىلمىستىق قۇقىق بۇزۋشىلىق بويىنشا كولىك جۇرگىزۋ قۇقىعىنان ايىرىلعان»، - دەدى سەرىك ءتۇسىپوۆ.