قازگيدرومەت: 3- اقپانعا ارنالعان اۋا رايى بولجامى

نۇر-سۇلتان. قازاقپارات - قازاقستان وسى ۋاقىتتا اتلانيكالىق تسيكلوننىڭ ىقپالىندا. وسىعان بايلانىستى رەسپۋبليكانىڭ باسىم بولىگىندە جاۋىن، قار جاۋادى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سىلتەمە جاساپ.

كاسىپورىن تاراتقان مالىمەتتەرگە قاراعاندا، رەسپۋبليكانىڭ باتىسىندا كۇندىز قاتتى جاۋىن جاۋادى.

سولتۇستىكتە جانە ورتالىقتا ازداعان قار جاۋادى، تەك ەلدىڭ شىعىسىندا عانا انتيتسيكلوننىڭ اسەرىنەن جاۋىن-شاشىن بولمايدى. كەي جەرلەردە تۇمان ءتۇسىپ، كوكتايعاق بولادى، جەل كۇشەيىپ، ەلدىڭ باتىسىندا جانە ورتالىعىندا جاياۋ بۇرقاسىن بولادى.

باتىس قازاقستان، ماڭعىستاۋ، اتىراۋ، جامبىل، اقتوبە وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى. جەل 15-20 م/س جىلدامدىقپەن ۇيتقيدى.

قىزىلوردا، پاۆلودار وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.

قوستاناي، سولتۇستىك قازاقستان، اقمولا، قاراعاندى وبلىستارىنىڭ كەي جەرلەرىندە دە تۇمان بولادى. قاراعاندى وبلىسىندا كۇندىز جاياۋ بۇرقاسىن بولۋى ىقتيمال.

شىعىس قازاقستان، تۇركىستان وبلىستارىنىڭ كەي جەرلەرىندە تۇمان ءتۇسىپ، جەل 15-20 م/س جىلدامدىقپەن سوعادى.

الماتى وبلىسىنىڭ جالاڭاشكول اۋدانىندا جەلدىڭ جىلدامدىعى سەكۋندىنا 18-23 مەترگە جەتەدى.