ەرلىكپەن قازا تاپقان شالقار اقىمعاليەۆتىڭ وتباسىنا 3- دارەجەلى «ايبىن» وردەنى بەرىلدى
قىزمەت بابىندا قازا بولعان پوليتسەيدىڭ اناسى ءلاززات ماجەن قىزىنا مەملەكەتتىك ناگرادانى بۇگىن وبلىس اكىمى نۇرلان نوعايەۆ تابىس ەتتى.
سونداي-اق، ءوڭىر باسشىسى وتان قورعاۋشىلار كۇنىنە وراي وتكەن شارادا وبلىس پوليتسەيلەرى وزدەرىنە مىندەتتەلگەن تاپسىرمالاردى جوعارى دارەجەدە اتقارىپ كەلە جاتقانىن جەتكىزدى.
شارادا، سونداي-اق، سەنات دەپۋتاتى باقتىقوجا ىزمۇحامبەتوۆ، گەنەرال-لەيتەنانت اباي تاسبولاتوۆ ءسوز الىپ، جينالعانداردى قۇتتىقتادى.
مەرەكەگە وراي پرەزيدەنت جانە ءى ءى م، سونداي-اق، وبلىس اكىمدەرىنىڭ مەملەكەتتىك ناگرادالارى مەن العىس حاتتارى تابىس ەتىلگەن سوڭ سالا ارداگەرلەرى باستاپ دەپارتامەنتتەگى مەموريالعا ارنايى جاساقتاپ قويىلعان ەسكەرتكىش تاقتاسىنا بەت الدى.
سالتاناتتى اشىلۋ ءراسىمى وبلىس اكىمى نۇرلان نوعايەۆ پەن پوليتسيا دەپارتمەنتىنىڭ باستىعى گەنەرال-مايور ايان دۇيسەمبايەۆتىڭ قاتىسۋىمەن ءوتتى. تاقتاعا تاۋەلسىزدىك جىلدارىندا قىلمىسپەن كۇرەستە، ازاماتتاردىڭ ءومىرىن قورعاۋ جولىندا جانىن قيعان 3 پوليتسيا قىزمەتكەرىنىڭ فوتوسۋرەتى مەن ەسىمدەرى ويىپ جازىلعان.
ولار 1993-جىلى قىلمىسكەرلەردى قۇرىقتاۋ بارىسىندا قازا بولعان جەدەل ۋاكىل پوليتسيا اعا لەيتەنانتى بيسەكەنوۆ اسقار ءتۇسىپ ۇلى، 2009-جىلى قىزمەت كەزىندە ماس جۇرگىزۋشى اۆتوكولىكپەن قاعىپ وقيعا ورنىندا مەرت بولعان وتەمىسوۆ نۇربەرگەن سيسەنباي ۇلى جانە بيىل ناۋرىز ايىندا كوپىردەن سەكىرگەن ازاماتشانى سۋدان قۇتقارۋ كەزىندە مەرت بولعان اقىمعالييەۆ شالقار كوشكىنباي ۇلى.
ەسكەرتكىش تاقتانىڭ اشىلۋ سالتاناتىنا وراي ءسوز سويلەگەن اسقار بيسەكەنوۆتىڭ اناسى سارا مۇساعاليەۆا ىشكى ىستەر ورگاندارىنىڭ قىزمەترەلەرىنىڭ ەڭبەگىن جوعارى باعالاپ، ەرلىكتى ۇلىقتاعان جاندارعا العىسىن جەتكىزدى.
باتىرلاردىڭ قۇرمەتىنە ءبىر مينۋت ۇنسىزدىك جاريالانىپ اسپانعا وق اتىلدى. ساپ تۇزەگەن ىشكى ىستەر ورگاندارىنىڭ قىزمەتكەرلەرى مەموريل الدىنا گۇل شوقتارىن قويدى.