سولتۇستىك بەس وبلىستا 3- گرادۋسقا دەيىن ۇسىك جۇرەدى

استانا. قازاقپارات - بۇگىن اتموسفەرالىق فرونتتاردىڭ وتۋىنە بايلانىستى قازاقستاننىڭ كەي جەرلەرىندە جاڭبىر جاۋادى، دەپ حابارلايدى «قازگيدرومەت» ر م ك.

تۇنگى ۋاقىتتا رەسپۋبليكانىڭ سولتۇستىگىندە، ورتالىعىندا جاڭبىردىڭ سوڭى قارعا ۇلاسىپ، نايزاعاي وينايدى جانە ەكپىندى جەل تۇرادى. كۇندىز شىعىستا بۇرشاق جاۋۋى مۇمكىن، تۇندە جانە تاڭەرتەڭ كەي جەرلەردە تۇمان كۇتىلەدى، ەلدىڭ وڭتۇستىگىندە شاڭدى داۋىل سوعادى. وڭتۇستىك-باتىس جانە وڭتۇستىك وڭىردە اۋا رايى قۇبىلمالى بولادى. سولتۇستىكتە، سولتۇستىك-باتىس پەن ورتالىقتىڭ كەي جەرلەرىندە تۇندە ۇسىك كۇتىلەدى.

شىعىس قازاقستان وبلىسىنىڭ كەي جەرلەرىندە نايزاعاي كۇتىلەدى، جەلدىڭ جىلدامدىعى 15-20 م/س- عا دەيىن كۇشەيەدى. تۇندە جانە تاڭەرتەڭ كەي جەرلەردە تۇمان كۇتىلەدى، كۇندىز كەي جەرلەردە بۇرشاق جاۋۋى مۇمكىن.

قوستاناي، سولتۇستىك قازاقستان، پاۆلودار وبلىستارىندا كەي جەرلەردە تۇندە جانە تاڭەرتەڭ تۇمان كۇتىلەدى، كۇندىز كەي جەرلەردە جەلدىڭ جىلدامدىعى 15-20 م/س- عا دەيىن كۇشەيەدى، بۇرشاق جاۋۋى مۇمكىن.

قاراعاندى وبلىسىندا تۇندە جانە تاڭەرتەڭ كەي جەرلەردە تۇمان، كۇندىز كەي جەرلەردە نايزاعاي كۇتىلەدى.

جامبىل، تۇركىستان، قىزىلوردا، ماڭعىستاۋ وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيەدى، كۇندىز ەكپىنى 23 م/س جەتەدى، شاڭدى داۋىل تۇرادى.

تۇندە جانە تاڭەرتەڭ الماتى وبلىسىنىڭ كەي جەرلەرىندە نايزاعاي، تۇمان كۇتىلەدى، جەلدىڭ جىلدامدىعى 17-22 م/س- عا دەيىن كۇشەيەدى.

كۇندىز باتىس قازاقستان وبلىسىندا كەي جەرلەردە نايزاعاي كۇتىلەدى، جەلدىڭ جىلدامدىعى 15-20 م/س- عا دەيىن كۇشەيەدى، شاڭدى داۋىل تۇرادى.

كۇندىز اتىراۋ وبلىسىندا كەي جەرلەردە جەلدىڭ جىلدامدىعى 15-20 م/س- عا دەيىن كۇشەيەدى، اقمولا وبلىسىندا تۇندە جانە تاڭەرتەڭ كەي جەرلەردە تۇمان كۇتىلەدى.

قىزىلوردا، تۇركىستان، جامبىل وبلىستارىندا، اقتوبە، اتىراۋ، باتىس قازاقستان، ماڭعىستاۋ، قاراعاندى وبلىستارىنىڭ كەي جەرلەرىندە جوعارى ءورت قاۋپى ساقتالادى.

قوستاناي، اقمولا، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە تۇندە 3 گرادۋس ۇسىك جۇرەدى.