قاجىلىق ساپارعا ەلىمىزدەن 3 مىڭ ادام بارادى

استانا. قازاقپارات- ساۋد ارابياسىندا ەكى اپتا بولاتىن وتانداستارىمىزعا 18 تۋريستىك كومپانيا قىزمەت كورسەتپەك. ولارعا ءبىرىڭعاي ۇلگىدە ارنايى كيىم تىگىلدى. «بەس پارىزدىڭ بىرەۋىن وتەۋگە باراتىن قازاقستاندىقتاردىڭ قاۋىپسىزدىگى باستى نازاردا»، -  دەيدى ساپاردى ۇيىمداستىرۋشىلار.

وتانداستارىمىز بيىلعى ۇلكەن قاجىلىققا 14 - تامىزدان باستاپ اتتانادى. ولاردىڭ ساپارىن ارنايى رۇقساتى بار تۋريستىك كومپانيالار قامتاماسىز ەتەدى. اۋە رەيستەرى تىكەلەي استانا، الماتى، شىمكەنت جانە اقتاۋ قالالارىنان ۇشادى.

 قازاقستان مۇسىلماندارى ءدىني باسقارماسىنىڭ مالىمەتىنشە، قاجىلىققا باراتىندارعا جول سىلتەپ، قىزمەت كورسەتەتىندەر ارنايى دايىندىقتان وتكەن.

ۇشۋ تىكەلەي رەيس ارقىلى جۇزەگە اسادى. قويىلاتىن تالاپتار جىلداعىداي -  ءتولقۇجاتتار، سونىمەن قاتار مەنينگيتكە قارسى ۆاكسينا سالدىرۋ. سول تۋرالى سەرتيفيكات قولدارىندا بولۋى كەرەك. ويتكەنى ساۋد ارابياسى ەپيدەميولوگيالىق تۇرعىدان قولايسىز 26 مەملەكەتتىڭ قاتارىندا. سوندىقتان قاجىلىق ساپارعا باراتىندارعا مەنينگيتكە قارسى ەكپە جاساتقان ءجون. «ونى ساپاردان كەم دەگەندە 10 كۇن بۇرىن الۋ كەرەك. سوندا عانا اسەرى بولادى»، -  دەيدى دارىگەرلەر.

ايناگۇل قۋاتبايەۆا، «سەس جانە مونيتورينگ عىلىمي- پراكتيكالىق ورتالىعى» فيليالىنىڭ ءبولىم باسشىسى:

 - ساۋدا ارابياسى ەڭ الدىمەن مەنينگوكوكك جۇقپاسىنا قارسى ەگۋدى نەمەسە ۆاكسينانى الۋدى تالاپ ەتەدى. ايتا كەتەيىك، بيىل مەككەگە باراتىندار جاڭا ۇلگىدەگى كيىممەن قامتىلادى. قاجىلىق ساپار شامامەن 16-17 كۇنگە سوزىلادى.

www.24.kz