قازاقستاندا ينتەرنەت ارقىلى تولەم جاساۋ 3 ەسەگە ۇلعايدى
2017 -جىلدىڭ قاڭتار- شىلدە ايلارىندا قولما- قول اقشاسىز تولەمدەر اينالىمى 1,2 تريلليون تەڭگەنى قۇراپ، بىلتىرعى جىلمەن سالىستىرعاندا %70,4 نەمەسە 480,0 ميللياردقا وسكەن، دەپ جازادى ranking.kz.
2017 -جىلدىڭ قاڭتار- شىلدە ايلارىندا تولەم كارتالارىمەن جاسالاتىن وپەراتسيالار سانى بىلتىرعى جىلمەن سالىستىرعاندا %70,9 (39,8 ميلليون) ءوسىپ، 95,9 ميلليون ترانزاكسيانى قۇرادى.
ال، ينتەرنەت ارقىلى جاسالعان تولەمدەر سوماسى 3 ەسەگە ۇلعايدى، ياعني 269,6 ميلليارد تەڭگەدەن 406,2 ميلليارد تەڭگەگە جەتتى.
قولما- قول اقشاسىز تولەمدەر كولەمىنىڭ ءوسىمى بويىنشا الماتى قالاسى كوش باستاپ تۇر. مۇندا 2017 -جىلدىڭ قاڭتار- شىلدە ايلارىندا قولما- قول اقشاسىز تولەمدەر سوماسى بىلتىرعى جىلمەن سالىستىرعاندا، 266 ميلليارد تەڭگەگە (80,7 پايىز) ارتىپ، 595,4 ميلليارد تەڭگەنى قۇرادى. ودان كەيىنگى ورىندا استانا قالاسى، مۇندا اينالىم كولەمى بىلتىرعى جىلمەن سالىستىرعاندا 67,7 ميلليارد تەڭگەدەن (73,7 پايىز) 159,4 ميلليارد تەڭگەگە ءوستى.