شىڭعىس حان كوشباسشىلىعىنىڭ 3 قۇپياسى

 استانا. قازاقپارات - بۇكىل الەم بولىپ تاريح جولىندا كۇرەس جاساپ جاتىر. كۇرەستىڭ ەڭ باستى نىسانى -  شىڭعىس حان. كىم ونىڭ ۇرپاعى دەيتىن ۇلكەن سۇراقتىڭ جاۋابى ءالى كۇنگە دەيىن ءوز ناتيجەسىن بەرە الماي كەلەدى.

 وسى جولدا ۇلى حاننىڭ سوعىس جانە ەل باسقارۋ ستراتەگياسىنداعى كوشباسشىلىق قۇپيالارىنىڭ ۇشەۋىن ۇسىنىپ وتىرمىز.

 №1 جولداۋدى باسقارۋ باعزى زامانداعى عۇرىپتاردان باستاپ، بۇگىنگى پيارعا دەيىن كوشباسشىلىقتىڭ وتە ماڭىزدى ەلەمەنتتەرىنىڭ ءبىرى ونى كورسەتە ءبىلۋ بولىپ كەلەدى. بۇل تۇرعىدا شىڭعىس حان ءوزىنىڭ مۇراگەرلەرىنە ءۇمىت ارتتى. ول قايتىس بولعاننان كەيىن بەلگىسىز اۆتور جازعان «موڭعولدىڭ قۇپيا شەجىرەسى» شىڭعىس حاننىڭ نەگىزگى جولداۋىن، ياكي وسيەتىن حابارلايدى: ول قۇدايدىڭ ەركىن ورىنداۋشى بولدى. شەجىرەدە ونىڭ موڭعول رۋلارىنىڭ باسىن بىرىكتىرۋگە سارپ ەتكەن، 20 جىلعا سوزىلعان اۋىر ءارى ازاپتى جولىن باستاردان بۇرىن وسىعان رياسىز سەنگەنى ايتىلادى. بالكىم، بۇل راس تا شىعار. قالاي بولعاندا دا، ءىس جۇزىندە سولاي بولدى عوي. جوزەف نايدىڭ ايتۋىنشا، «وتە ءساتتى سيۋجەت «جۇمساق» كۇشتىڭ كوزى بولىپ تابىلادى»

 №2 «سىن تۇزەلمەي، ءمىن تۇزەلمەيتىنىن» ءتۇسىنۋ ءبىر اكەدەن تۋعان باۋىرىڭدى ءولتىرۋ -  ۇلكەن قىلمىس. اناسى وعان ۇمتىلماستاي ساباق بەردى. بالكىم، باسقا بالا بولسا، اناسىنىڭ اشۋ- ىزاسىن باسقاشا قابىلداپ، رەنجىپ نەمەسە كەك ۇستار ما ەدى. ءبىراق، شىڭعىس حان ونداي ەمەس بولاتىن. اناسىنىڭ ۇرىسىن دۇرىس دەپ باعالادى. قابىلداپ قانا قويعان جوق، باسقالارعا ۇلگى بولا وتىرىپ، ءار نارسەدەن ساباق الۋ كەرەكتىگىن ءتۇسىندىردى. تۇسىندىرە وتىرىپ ءوزىنىڭ دە مۇنداي جاعدايلارعا دايىن ەكەنىن كورسەتتى. بۇگىنگى قوعامدا ەموتسيونالدىق ينتەللەكت دەپ اتالاتىن ءدال وسىنداي قاسيەت كوشباسشى ءۇشىن ماڭىزدى رولگە يە.

 №3 ءوز ميسسياڭدى تاپ باسىپ تابا ءبىل كوشباسشىلىقتى جانە كوش باستاۋ شەبەرلىگىن زەرتتەيتىن تەورەتيكتەر بولاشاقتى كورە ءبىلۋ قاجەتتىگى تۋرالى كوپ ايتادى. ءبىراق، جىگەرلەندىرۋشى ميسسيانىڭ قولايلى جاعدايمەن، دۇرىس ماقسات- مۇراتپەن جانە سونداي مۇراتتى ارماندايتىن، ونى قوعامعا جەتكىزۋگە تىرىساتىن جانە جاقتاستارىن دا سوعان سەندىرە بىلەتىن اداممەن ۇيلەسىمى وتە سيرەك كەزدەسەدى. شىڭعىس حاننىڭ تايپالاردىڭ باسىن بىرىكتىرۋ جونىندەگى ميسسياسى ەڭ الدىمەن ونىڭ باقتالاستارى ءۇشىن قاۋىپتى بولدى. ءبىراق، تەك بىرلىككە شاقىرىپ قانا قويۋ جەتكىلىكسىز ەدى. ول تىم اڭعال ادامنىڭ ارەكەتى بولىپ كورىنەتىن. تاپ وسى باستاپقى تابىستار مەن ونىڭ قۇدايدىڭ قولداۋىنا سەنىمى باقتالاستارىن دا باس ءيدىردى. سودان كەيىن ميسسيا ۇلعايا بەردى. موڭعولدار ۇلتتى باسقارىپ قانا قويماي، يمپەريا قۇرىپ، الەمدى دە بيلەي الادى دەگەن ميسسيا پايدا بولدى.

 blogtime.kz