مالايزيا بيلىگى تۇركياعا گۇلەننىڭ 3 جاقتاسىن ۇستاپ بەردى
بۇل تۋرالى تۇركيا سىرتقى ىستەر ءمينيسترى مەۆليۋت چاۆۋشوگلىنىڭ مالىمدەسىنە سىلتەمە جاساپ، اناتوليا اگەنتتىگى حابارلادى دەپ جازدى رەسەيدىڭ ت ا س س اگەنتتىگى.
اگەنتتىك مالىمەتتەرىنە قاراعاندا، كۇدىكتىلەردى تۇركيا تاراپىنا بەرۋ تۋرالى كەلىسىم وتكەن اپتادا چاۆۋشوگلىنىڭ مالايزيا پرەمەر- ءمينيسترى نادجيب رازاكپەن بولعان كەزدەسۋىندە جاسالدى.
«ولار ەكىجاقتى كەلىسىمدەردەن سوڭ ءۇش ادامدى ۇستاپ بەردى»، - دەپ كەلتىردى تۇركيا سىرتقى ىستەر ءمينيسترىنىڭ ءسوزىن اگەنتتىك.
چاۆۋشوگلى فەتو-مەن كۇرەستى جالعاستىرا بەرەتىنىن ايتادى.
«ءبىزدىڭ ولارمەن كۇرەسىمىز ەل ىشىندە ەلدەن جىراقتا دا جالعاسا بەرەدى. ءبىز ولاردىڭ باسقان ىزدەرىن اڭديمىز»، - دەدى ول.
انكارا 1999 -جىلدان بەرى ا ق ش- تا تۇرىپ جاتقان گۇلەن مەن ونىڭ جاقتاستارىن 15- شىلدە كۇنى تۇركيادا بولعان مەملەكەتتىك توڭكەرىس جاساۋعا ۇمتىلۋ ارەكەتتەرىنە قاتىسى بار دەپ ايىپتايدى. ول كەزدە بۇلىكتى ءبىر توپ جاۋىنگەرلەر مەن ساردارلار ۇيىمداستىرىپ، 246 ادام مەرت بولىپ، 2 مىڭنان استام ادام جاراقات العان بولاتىن.
