يسلام كاريموۆتى جەرلەۋ ءراسىمى 3 - قىركۇيەك كۇنى سامارقاندتا وتەدى
«اسا قىمباتتى پرەزيدەنتىمىز يسلام ابدۋعانيەۆيچ كاريموۆتىڭ ومىردەن وتكەنىن قايعىرا حابارلايمىز. مەملەكەت باسشىسى 2016 -جىلدىڭ 2 - قىركۇيەگىندە ميىنا قان قۇيىلۋى سالدارىنان قايتىس بولدى.
ءبىزدىڭ ەلدىڭ تۇڭعىش پرەزيدەنتى يسلام كاريموۆ - ۇلى تاريحي تۇلعا، سول كىسىنىڭ ارقاسىندا ءبىزدىڭ رەسپۋبليكامىز تاۋەلسىزدىگىن الىپ، تاۋەلسىز دامۋ جولىندا زور جەتىستىكتەرگە جەتە ءبىلدى، جاس مەملەكەتىمىزدىڭ قيىن- قىستاۋ كۇندەرىندە سوعىس قاۋپىنەن امان قالىپ، جاعداي تۇراقتى قالىپتا ساقتالدى، - دەلىنگەن ەل ۇكىمەتى مەن پارلامەنتىنىڭ حابارلاماسىندا... ءوز تىلەگى بويىنشا قادىرمەندى پرەزيدەنتىمىز 3 - قىركۇيەك كۇنى تۋعان قالاسى جانە مارقۇم اتا- اناسى جاتقان سامارقاند قالاسىندا مۇسىلمان ءداستۇرى بويىنشا جەرلەنەدى».
جەرلەۋ ءراسىمىن ۇيىمداستىرۋ كوميسسياسىن وزبەكستاننىڭ پرەمەر- ءمينيسترى شاۆكات ميرزيەيەۆ باسقاردى. مەملەكەت باسشىسىنىڭ قازاسىنا بايلانىستى ەلدە ءۇش تاۋلىك قارالى كۇن جاريالانادى.
