الماتىداعى اتىس كەزىندە ءبىر بەيبىت تۇرعىن مەن 3 پوليتسيا قىزمەتكەرى قازا تاپتى

 استانا. قازاقپارات - بۇگىن، 18 -شىلدە كۇنى تاڭەرتەڭ الماتى قالاسىندا ورىن العان اتىستا ءبىر بەيبىت تۇرعىن مەن ءۇش پوليتسيا قىزمەتكەرى قازا تاپتى، دەپ حابارلايدى ق ر ىشكى ىستەر مينيسترلىگىنىڭ باسپا ءسوز قىزمەتى.

«18 -شىلدە كۇنى شامامەن تاڭعى ساعات 11 دە الماتى قالاسى ىشكى ىستەر دەپارتامەنتىنىڭ المالى اۋداندىق ىشكى ىستەر باسقارماسىنا وتپەك بولعان قىلمىسكەر پوستتاعى پوليتسياعا وق جاۋدىرىپ، پوليتسيا قىزمەتكەرىنىڭ قارۋىن يەلەنگەن سوڭ، وقيعا ورنىنان قاشىپ كەتكەن.

قىلمىسكەردىڭ ارتىنان قۋعان «بوران» پوليتسيا ەكيپاجىنا قارسى دا وق جاۋىپ، سونىڭ سالدارىنان ەكى پوليتسيا قىزمەتكەرى جارالاندى. ودان كەيىن قىلمىسكەردىڭ كىم ەكەنى انىقتالىپ، «قازاق كونسەرت» ا ق ورنالاسقان اۋداندا پوليتسيا قىلمىسكەردى جارالاپ، ونى قولعا ءتۇسىردى. ونىڭ اتى-ءجونى بەلگىلى بولدى. ونى ۇستاۋ كەزىندە ەكى پوليتسيا قىزمەتكەرى جارالاندى»، - دەپ حابارلانعان ءى ءى م- نىڭ باسپا ءسوز قىزمەتى تاراتقان اقپاراتتا.

 وكىنىشكە قاراي، وسى اتىس سالدارىنان ءبىر بەيبىت تۇرعىن مەن ءۇش پوليتسيا قىزمەتكەرى قازا تاپقانى حابارلانىپ وتىر.

«وكىنىشكە قاراي، قىلمىسكەر قالا تۇرعىنىنىڭ جەكە جەڭىل اۆتوكولىگىن يەلەنۋ ءۇشىن وعان وق اتىپ، كولىك جۇرگىزۋشىسى العان جاراقاتىنان قازا تاپتى. سونداي-اق، العان جاراقاتىنان ءۇش پوليتسيا قىزمەتكەرى اۋرۋحاناعا جەتكىزۋ كەزىندە كوز جۇمدى»، - دەپ حابارلانعان اقپاراتتا.

اۆتور: كەنجەكەي توقتامۇرات قىزى