جۇرەك قان تامىرى اۋرۋلارىنان ارىلۋدىڭ 3 ءتاسىلى
ول كوبىنە ەرەسەك ادامداردى نە مۇگەدەكتىككە شالدىقتىرادى، نەمەسە ولىمگە اكەلىپ سوقتىرادى. جالپى ءولىم- ءجىتىمنىڭ 52 پايىزىن جۇرەك- قان تامىرى اۋرۋلارى قۇرايدى. ەۋروپادا جىل سايىن وسى اۋرۋ سالدارىنان شامامەن 3 ميلليون ادام قايتىس بولسا، رەسەيدە 1 ميلليون ادام، ال قازاقستاندا 80 مىڭ كىسى وسى اۋرۋدان كوز جۇمادى.
جۇرەك- قان تامىرى اۋرۋلارىنا اكەلىپ سوقتىراتىن باستى سەبەپتەر قانداي؟ باستى سەبەپ ادامداردىڭ ءوز دەنساۋلىعىنا كوڭىل بولمەۋىنەن دەسەك، سونىمەن قاتار جاعىمسىز ەكولوگيانىڭ دا سالدارى جەتەرلىك. اسىرەسە، سوڭعى جىلدارى ينفاركت پەن ينسۋلتتەن بولاتىن ءولىم تىم جيىلەپ بارادى. ونىڭ نەگىزىندە، اتەروسكلەروزدان باسقا، ادامداردىڭ جۇيكە جۇيەسىنىڭ شارشاۋى، ولاردىڭ دارمەنسىزدىككە ۇشىراپ، دەپرەسسياعا ءتۇسۋى جاتىر.
بۇل اۋرۋدى ءۇي جاعدايىندا ەمدەۋ جانە الدىن الۋدىڭ 3 ءتاسىلىن نازارلارىڭىزعا ۇسىنامىز.
1. المۇرتتىڭ جەمىسىن كەپتىرىپ ۇنتاقتاپ، سونىڭ 300 گرامىن جارتى كيلوگرامم بالعا ارالاستىرادى. وسى قوسىندىنىڭ ءبىر شاي قاسىعىن كۇنىنە ءۇش رەت جەپ جۇرسە، جۇرەك اۋرۋلارىنىڭ بارلىق تۇرىنە، سونداي- اق باۋىر، كوكباۋىر اۋرۋلارىنا بىردەن- ءبىر ەم.
2. اناردىڭ شىرىنىن كۇندەلىكتى ءىشىپ جۇرسە، جۇرەك قان تامىرلارىنىڭ جۇمىسىن جاقسارتىپ، اسقازاننىڭ ءتۇرلى گاستريتىنە ەم. كوزدىڭ قۋاتىن مولايتىپ، ادامنىڭ تابەتىن اشادى.
3. كەپكەن المانى قانتسىز قايناتىپ، ۇنەمى سۋسىن ورنىنا ءىشىپ جۇرسە، قان تامىرلارىنىڭ قابىرعاسىنا قاتقان قاقتى ەرىتىپ، قان ءجۇرىسىن قالىپقا كەلتىرەدى. سونداي- اق كوزدىڭ بولاتىن مولايتىپ، ءتىستىڭ بوساعانىن بەكىتەدى. قىزىلوڭەشتىڭ، اسقازاننىڭ، ىشەكتىڭ ىشكى كىلەگەي قاباتىن جەتىلدىرەدى. ادام بويىن سەرگىتىپ قۋات بەرەدى. باۋىردىڭ، قۋىقتىڭ، كوكباۋىردىڭ جۇمىسىن جاقسارتادى.
وسى كەڭەستەردى كۇندەلىكتى قولدانۋ ارقىلى ءسىز ءوزىڭىزدى ينفاركت پەن ينسۋلتتان ساقتاندىرا الاسىز.
anabol.kz