22:34, 03 - مامىر 2019 | GMT +6
مامىر ايىندا اۋا رايى قانداي بولادى: 37 گرادۋس ىستىق
استانا. قازاقپارات - مامىر ايى ىستىق ءارى جاۋىن- شاشىندى بولادى. كوكتەمنىڭ سوڭعى ايىنا اۋا رايى بولجامىن جاساعان سينوپتيكتەر وسىلاي دەيدى.
سينوپتيكتەردىڭ بولجامىنشا، مامىر ايى ىستىق بولادى. تەك ايدىڭ باسىندا شىعىس قازاقستان وبلىسىندا اۋا رايى جايسىز بولادى دەپ كۇتىلۋدە. جاڭبىر، قار، بۇرشاق جاۋىپ، كۇن كۇركىرەۋى مۇمكىن.
سونىمەن قاتار ەلىمىزدىڭ وڭتۇستىك جانە باتىس وڭىرلەرىندە جاۋىن- شاشىن بولىپ، بۇرشاق جاۋىپ، جەل كۇشەيەدى دەپ بولجانۋدا.
3 - مامىردان كەيىن اۋا رايى جاقسارىپ، سولتۇستىك وبلىستاردا اۋا تەمپەراتۋراسى +20-28؛س، وڭتۇستىكتە +25- 33؛س جىلىلىقتى كورسەتەدى.
سونداي- اق، ايدىڭ ەكىنشى جانە ءۇشىنشى بولىگىندە جاڭبىر جاۋىپ، نايزاعاي ويناۋى مۇمكىن. بۇل كەزدەردە ەلىمىزدىڭ كەي وڭىرلەرىندە +30-37؛س ىستىق بولادى.