ەير استانا ۇشاقتارىنا 37 مارتە قۇستار سوعىلعان
بۇل تۋرالى اۋە كومپانياسىنىڭ كورپوراتيۆتى كوممۋنيكاتسيالار دەپارتامەنتىنىڭ قىزمەتكەرى تىلەك ءابدىراحىموۆ ايتتى.
«بيىل «ەير استانى» ۇشاقتارى 37 رەت قۇستارمەن سوقتىعىستى. تەك الماتى اۋەجايىنىڭ وزىندە 8 رەت وسىنداي جاعداي بولدى. ولاردىڭ بىرىندە فيۋزەلياجعا زاقىم كەلدى. الماتى-وسكەمەن باعىتىنداعى ك س 303 رەيسى كەشكى ساعات 18:22 شاماسىندا اۋەگە كوتەىلۋ ءۇشىن جەردەن جىلدامدىق الىپ بارا جاتقان شاقتا قۇستارمەن سوقتىعىسىپ قالدى. 100 ۋزەل (185 ك م/ساعات) جىلدامدىق كەزىندە ەكيپاج ۇشۋعا بەت الۋىن توقتاتتى. 25 شىلدە كۇنى بەيجىڭ-الماتى باعىتىنداعى ك س 888 رەيسى تاڭعى ساعات 9:11 دە قۇستارمەن سوقتىعىستى. ءبىراق ۇشاققا زاقىم كەلگەن جوق»، - دەدى ت. ءابدىراحىموۆ.
بىلتىر 72 ۇشاققا قۇستار سوعىلسا، ولاردىڭ 10 ىندا اۋە كەمەسىنە زاقىم كەلگەن سالدارىنان 19 رەيس بوگەلگەن. جوندەۋ جۇمىستارىنا بارلىعى 850 مىڭ ا ق ش دوللارى جۇمسالدى.
اۋە كومپانياسىنىڭ وكىلى ايتقانداي، الماتى اۋەجايىنىڭ ماڭىنداعى ەگىستىكتەر ماسەلەنى ودان ءارى ۋشىقتىرىپ وتىر. ءداندى داقىل ەگىستىگىنە ۇساق جاندىكتەر مەن قۇستاردى اۋلاۋعا ءىرى قۇستار كوپ جينالادى.
اتاپ ايتساق، ۇشۋ-قونۋ جولاعىنىڭ 05R/23L وسىنەن 400 مەتر قاشىقتا قۇلجا تاس جولىنا دەيىن ەگىستىكتە ارپا ەگىلگەن.
ۇشۋ قونۋ جولاعىنىڭ 05L/23R وسىنەن 400 مەتر قاشىقتا قىزىل تۋ اۋىلىنىڭ تاس جولىنا دەيىن ەگىستىك القابى بار.
«وسى جاعدايعا بايلانىستى «ەير استانا» كومپانياسى ورنيتولوگيالىق احۋالعا ق ر ازاماتتىق اۆياتسيا كوميتەتى مەن جەرگىلىكتى اتقارۋ ورگاندارى جانە اۋەجاي باسشىلارىنىڭ نازارىن اۋدارعىمىز كەلەدى. ۇشاقتاردىڭ قۇسقا سوعىلۋى ۇشۋ قاۋىپسىزدىگىنە ەداۋىر نۇقسان كەلتىرەدى. حالىقارالىق ي ك ا و تالاپتارى بويىنشا ءارى ق ر ي د م- نىڭ 323№ بۇيرىعىنا سايكەس اۋەجايدان 15 شاقىرىم قاشىقتىققا دەيىن قوقىس ءۇيىندىسىن، مال شارۋاشىلىعىن، مال سويۋ ورىندارىن اشۋعا تىيىم سالىنادى»، - دەدى ول.
