13:05, 21 - مامىر 2017 | GMT +5
ساعاتىنا 370 شاقىرىم جىلدامدىقپەن جۇيتكىگەن فرانسۋز اۆتوشاباندوزى اپاتقا ۇشىرادى
استانا. قازاقپارات - 38 جاسار اۆتوشاباندوز سەباستەن بۋردە Indy 500 اۆتوجارىسىندا ورىن العان اپات سالدارىنان اۋىر جاراقات الدى.
كەزەكتى اينالىمدا فرانسۋزدىق جارىس كولىگى ساعاتىنا 370 شاقىرىم جىلدامدىقپەن جول قورشاۋىنا سوعىلىپ، اۋدارىلعان ساتتە جانىپ كەتتى. بۋردەنىڭ جامباس سۇيەكتەرى جانە وڭ جاق سانىنىڭ سۇيەكتەرى سىنعان. تاياۋ ۋاقىتتا اۆتوشاباندوزعا وتا جاسالماقشى. سپورتشىنىڭ تۇراقتى قالىپقا كەلۋ مەرزىمى ازىرگە بەيمالىم. Indy 500 - سولتۇستىك امەريكاداعى ەڭ ايگىلى اۆتوجارىس. ەجەلدەن كەلە جاتقان بۇل باسەكە ءتۇرى اعىمداعى جىلى 101- رەت وتكىزىلىپ وتىر.
