العاشقى قوڭىراۋ: قازاقستاندا 370 مىڭ ءبۇلدىرشىن مەكتەپ تابالدىرىعىن اتتايدى

استانا. قازاقپارات - بيىل قازاقستاندا 370 مىڭ ءبۇلدىرشىن مەكتەپ تابالدىرىعىن اتتايدى. بۇل تۋرالى ق ر ءبىلىم جانە عىلىم مينيسترلىگى حابارلايدى.

ەلىمىزدە 1- قىركۇيەك كۇنى 2,8 ميلليون وقۋشى مەكتەپكە بارادى. مالىمەتتەر بويىنشا، ولاردىڭ 370 مىڭى - العاش رەت مەكتەپ تابالدىرىعىن اتتاعالى وتىرعان بۇلدىرشىندەر.

قازاقستاننىڭ بارلىق ورتا ءبىلىم بەرۋ مەكەمەلەرىندە ءبىلىم كۇنى ق ر تاۋەلسىزدىگىنىڭ 25 جىلدىعىنا جانە كونستيتۋتسيا كۇنىنە وراي سالتاناتتى تۇردە العاشقى قوڭىراۋ ۇيىمداستىرىلادى، سونداي- اق ءبىرىڭعاي «مەن ءوز ەلىمنىڭ پاتريوتىمىن» تاقىرىبىندا ساباق وتەدى.

 جەرگىلىكتى اتقارۋ ورگاندارىنىڭ مالىمەتىنە سۇيەنسەك، جاڭا وقۋ جىلى قارساڭىندا ەسىگىن اشقالى وتىرعان مەكتەپتەر سانى - 7126. جاڭا وقۋ جىلىنا دەيىن 60 جاڭا مەكتەپ پايدالانۋعا بەرىلۋ جوسپارلانعان، ال 2016 - جىلدىڭ سوڭىنا دەيىن 32 جاڭا مەكتەپ بەرىلمەك.