ەلوردالىق 36 جانۇيا «مەرەيلى وتباسى» بايقاۋىنا قاتىسۋعا نيەت ءبىلدىردى
قۇجات تاپسىرعانداردىڭ ىشىندە ەلگە ەڭبەگى سىڭگەن بىلىكتى دارىگەرلەر، ۇلاعاتتى ۇستازدار، قۇقىق قورعاۋ ورگاندارىنىڭ قىزمەتكەرلەرى، سپورتشىلار، مۇمكىندىگى شەكتەۋلى جاندار ت. ب. ازاماتتار بار، دەپ حابارلايدى astana.kz.
سونداي-اق استانا قالاسى اكىمىنىڭ وكىمىمەن ەلوردادا «مەرەيلى وتباسى» بايقاۋىن وتكىزۋگە ارنالعان كوميسسيانىڭ قۇرامى بەكىتىلدى. وعان 15 ادام كىردى، ونىڭ ىشىندە قالالىق قۇرىلىم باسشىلارى، قالالىق ارداگەرلەر كەڭەسى، جاستار جانە قوعامدىق ۇيىم باسشىلارى، پارتيا جەتەكشىلەرى بار.
ايتا كەتەيىك، «مەرەيلى وتباسى» جىل سايىنعى بايقاۋى قازاقستان رەسپۋبليكاسى پرەزيدەنتىنىڭ وكىمىنە سايكەس وتكىزىلەدى. بايقاۋ 3 كەزەڭدە وتەدى: ءبىرىنشى كەزەڭ - اۋداندىق (قالالىق)، ەكىنشى كەزەڭ - وبلىستىق، ءۇشىنشى كەزەڭ - رەسپۋبليكالىق.
كونكۋرسقا قاتىسۋ ءۇشىن ءتيىستى قۇجاتتار قوسا تىركەلگەن وتىنىمدەر اۋداندىق (قالالىق) اكىمدىكتەرگە 2015-جىلعى ءساۋىردىڭ 1 نەن 30 نا دەيىن بەرىلەدى.
وتكەن جىلى ەلوردالىق بايقاۋعا 44 وتباسى قاتىسقان.
ايتا كەتەيىك، «مەرەيلى وتباسى» بايقاۋى ونەگەلىلىك قۇندىلىقتارىن جاڭعىرتۋعا جانە وتباسىنىڭ وڭ ۇلگىسىن تاراتۋعا، ونىڭ مارتەبەسىن ارتتىرۋعا باعىتتالعان. بايقاۋعا ەڭبەكتە، سپورتتا، شىعارماشىلىق، زياتكەرلىك، عىلىمي جوعارى جەتىستىكتەرى بار وتباسىلاردىڭ مۇشەلەرى قاتىسا الادى.
