21:27, 09 - قىركۇيەك 2021 | GMT +6
جامبىل وبلىسىندا اۆتوكولىك 35 قويدى قاعىپ ءولتىردى
تاراز. قازاقپارات - جامبىل وبلىسىندا اۆتوكولىك ءبىر وتار قويدى قاعىپ كەتتى، - دەپ حابارلايدى قازاقپارات ءتىلشىسى.
2021-جىلعى 9- قىركۇيەكتە تاڭەرتەڭگى ساعات 8 شاماسىندا «باتىس ەۋروپا - باتىس قىتاي» تاسجولىنىڭ 325-شاقىرىمىندا 25 جاستاعى شىمكەنت قالاسىنىڭ تۇرعىنى «Hyundai Solaris» ماركالى اۆتوكولىگىمەن الماتى قالاسىنان تاراز قالاسى باعىتىندا كەلە جاتىپ، جول ءۇستىن كەسىپ وتپەك بولعان ءبىر وتار قويدى ابايسىزدا قاعىپ كەتكەن.
بۇل تۋرالى وبلىستىق پوليتسيا دەپارتامەنتى حابارلادى.
- جول-كولىك وقيعاسى سالدارىنان 35 قوي ءولىپ، 15 مال جارالانعان. اۆتوكولىك جۇرگىزۋشىسى ءتۇرلى جاراقاتپەن مەركى اۋداندىق ورتالىق اۋرۋحاناسىنا جۇگىندى. كولىك ايىپتۇراققا قويىلدى، - دەيدى مەركى اۋداندىق پوليتسيا ءبولىمىنىڭ باستىعى، پوليتسيا پولكوۆنيگى ءسابيت مامىتبەكوۆ.