يتاليادا كوپىر وپىرىلىپ، 35 ادام قازا تاپتى

استانا. قازاقپارات - يتاليانىڭ گەنۋيا قالاسىندا كوپىر وپىرىلىپ، 35 ادام وپات بولدى، دەپ حابارلايدى قازاقپارات 24.kz سىلتەمە جاساپ.

قۇرباندار اراسىندا كىشكەنتاي بالا دا بار. تاعى 7 ادام ءتۇرلى دەڭگەيدە جاراقات الىپ، ولاردىڭ بەسەۋى اۋىر حالدە جاتىر. سوڭعى مالىمەتتەرگە سايكەس 10 كىسى - ءىز-ءتۇزسىز جوعالعاندار قاتارىندا. وسىعان دەيىن 22 ادامنىڭ كوز جۇمعانى تۋرالى حابارلانعان بولاتىن.

جەرگىلىكتى بۇقارالىق اقپارات قۇرالدارىنىڭ حابارلاۋىنشا، الىپ كولىك وتكەلى ۇيلەردىڭ ۇستىنە قۇلاعان. نىسانداردىڭ ىشىندە ازىرگە قانشا ادام بولعانى بەلگىسىز. اپات بولعان اۋماقتا قوزعالىس توقتاتىلىپ، تەرگەۋ جۇمىستارى ءجۇرىپ جاتىر.

كوپىردىڭ قۇلاۋىنا جوندەۋ جۇمىستارىنىڭ ءتيىستى دارەجەدە جۇزەگە اسپاۋى مەن قىزمەت كورسەتۋ ساپاسىنىڭ تومەندىگى سەبەپ بولعان. بۇل تۋرالى يتاليانىڭ كولىك جانە ينفراقۇرىلىم ءمينيسترى مالىمدەدى.

مامانداردىڭ ايتۋىنشا، قازا تاپقاندار سانى ءالى دە ارتۋى مۇمكىن.