وسىمدىكتەردىڭ ازايۋى 350 ەسە جىلدامداعان

نۇر-سۇلتان. قازاقپارات -  قازىرگى ۋاقىتتا عالامشارىمىزداعى وسىمدىكتەردىڭ ازايۋى بۇرىنعىعا قاراعاندا 350 ەسەگە جىلدامداعان. بۇل تۋرالى تيۋمەن مەملەكەتتىك ۋنيۆەرسيتەتىنىڭ باسپا ءسوز قىزمەتى 28 - تامىزدا ۇلتتىق عالىمداردىڭ بايانداماسىنا سۇيەنىپ حابارلادى.

 زەرتتەۋ اياسىندا اۆستراليا، يسپانيا، ا ق ش، فرانتسيا جانە وڭتۇستىك افريكانىڭ جەتەكشى عىلىمي ورتالىقتارىنىڭ بوتانيكتەرى وسىمدىكتەردىڭ جويىلۋ سەبەپتەرىن زەرتتەگەن. بيوالۋانتۇرلىلىك تۇرعىسىنان عالامشاردىڭ باي (hotspots) جانە ناشار (coldspots) اۋماقتارىندا جويىلىپ بارا جاتقان تۇرلەر زەرتتەلگەن. زەرتتەۋ بارىسىندا بيوارتۇرلىلىگى جوعارى اۋدانداردا وسىمدىك تۇرلەرىنىڭ جويىلۋ پروتسەسى كۇشەيە تۇسكەنى انىقتالعان.

«وسىمدىكتەردىڭ ازايۋى ەكوجۇيە ءۇشىن اپاتتى جاعدايلارعا، وسىمدىكپەن قورەكتەنەتىن جانۋارلار مەن جاندىكتەردىڭ جويىلىپ كەتۋىنە الىپ كەلۋى مۇمكىن» دەيدى عالىمدار. سونداي- اق، وسىمدىكتەر مەن جاندىكتەردىڭ جوعالۋىنا -  سينتەتيكالىق پەستيتسيدتەر مەن تىڭايتقىشتار، بيولوگيالىق فاكتورلار جانە قورشاعان ورتانىڭ لاستانۋى، اۋا رايىنىڭ وزگەرۋى سەبەپ بولىپ جاتىر. اۋا رايىنىڭ وزگەرۋى اسىرەسە تروپيكالىق ايماقتاردا ماڭىزدى. دەگەنمەن، وسىمدىكتەر مەن جاندىكتەردىڭ جويىلۋىنىڭ نەگىزگى سەبەبى اۋىل شارۋاشىلىعى بولىپ تابىلادى. ايتا كەتەيىك، جاندىكتەر -  وسىمدىكتەردىڭ قورەكتىك تىزبەگى مەن توزاڭدانۋىنداعى ماڭىزدى بۋىن سانالادى. ولاردىڭ سانىنىڭ ازايۋى ەكوجۇيەنىڭ اپاتقا ۇشىراۋىنا اكەلەدى. ەۋروپادا 30 -جىلدان استام ۋاقىت ىشىندە جاندىكتەردىڭ سانى 80 پايىزعا ازايىپ، قۇستار پاپۋلاتسياسىنىڭ 400 ميلليونعا جۋىعى جويىلىپ كەتكەن.

Massaget.kz