ا ق ش-تا 350 مىڭ دوللارعا قالا ساتىلادى

استانا. قازاقپارات - عالامتوردا دجەيمس دجونسون اتتى ادام كەبين- كريك (Cabin Creek) قالاسىن 350 مىڭ دوللارعا ساتىپ الۋدى ۇسىنادى.

دجونسون ءوزىن «وسى قالانىڭ يەسىمىن» دەپ اتاعان. ەگەر شاھاردى ساتا قالعان جاعدايدا، ول اقشانى قالتاعا باسىپ، الەم ارالاۋعا شىقپاقشى ەكەن.

ايتا كەتۋ كەرەك، كەبين-كريكتە وتكەن عاسىردىڭ 70-جىلدارى قاتارىنان بىرنەشە رەت كىسى ءولتىرۋ بولىپ، بۇدان سوڭ قالا قاڭىراپ، بوس قالعان ەدى. قازىر بۇل جەردە ەشكىم تۇرمايدى. ءبىراق، مۇنداعى عيماراتتار جاقسى كۇيدە ساقتالىپ قالىپتى. اتاپ ايتساق، كەبين- كريكتە دۇكەندەر، ءدامحانالار بار. ءتىپتى مۇنداعى ۇيلەردە تۇرۋعا دا بولادى.

جالپى دجەيمس دجونسون قالانى اتتراكسيونعا اينالدىرماق بولعان، ءبىراق ونىڭ ءساتى تۇسپەپتى. ەندى دەنۆەر قالاسىنان 45 مينۋتتا ورنالاسقان قالاشىق ءوزىنىڭ جاڭا يەسىن كۇتۋدە، دەپ جازادى Domain عا سىلتەمەمەن 24.kz.