10:53, 30 - قازان 2021 | GMT +6
پنەۆمونيا مەن كوروناۆيرۋستان 34 سىرقات كوز جۇمدى
نۇر-سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.
وعان سايكەس، 28-قازان كۇنى قازاقستان اۋماعىندا 26 ادام - كوروناۆيرۋستان، تاعى 8 سىرقات - پنەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى الماتى قالاسى مەن پاۆلودار وبلىسىندا - 4 ناۋقاستان. الماتى وبلىسىندا - 3، شىمكەنت، نۇر-سۇلتان قالالارى مەن قاراعاندى، اقمولا وبلىستارىندا - 2، اتىراۋ، شىعىس قازاقستان، جامبىل، باتىس قازاقستان، قىزىلوردا، قوستاناي، سولتۇستىك قازاقستان وبلىستارىندا - ءبىر ادامنان كوز جۇمعان. قازاقستاننىڭ بارلىق وڭىرىندە دەرلىك قايعىلى جاعدايلار بولعان. تەك تۇركىستان، ماڭعىستاۋ جانە اقتوبە وبلىستارىندا عانا كوروناۆيرۋستان ءولىم- ءجىتىم بولعان جوق.