الماتىداعى ۇزدىك مەكتەپكە 34 ميلليون تەڭگە بەرىلدى

الماتى. قازاقپارات - الماتىدا ءوتىپ جاتقان ۇستازداردىڭ تامىز كەڭەسى بارىسىندا ۇزدىك ءبىلىم بەرۋ ۇيىمى انىقتالدى، دەپ حابارلايدى قازاقپارات ءتىلشىسى.

مۇقاعالي ماقاتايەۆ اتىنداعى دارىندى بالالارعا ارنالعان 140№ مەكتەپ گيمنازياسى «ەڭ ۇزدىك ورتا ءبىلىم بەرۋ مەكەمەسى» دەپ تانىلىپ، ۇجىم 34 ميلليون تەڭگە كولەمىندەگى اكىم گرانتىن يەلەندى.

اتالعان قارجى مەكتەپتى ماتەريالدى-تەحنيكالىق جابدىقتاۋعا جۇمسالماق. سونىمەن قاتار «ەڭ ۇزدىك مەكتەپ كىتاپحاناسى» بايقاۋى بويىنشا قالالىق 34№ گيمنازيا ۇجىمى جەڭىمپاز اتاندى.

مەكتەپ ديرەكتورىنا ەكى ميلليون تەڭگەنىن سەرتيفيكاتى تابىستالدى.

جاڭا وقۋ جىلى مەن تاۋەلسىزدىكتىڭ 30 جىلدىعىنا وراي قالا اكىمى ۇزدىك ۇستازدار مەن ۇيىمداردى سالتاناتتى تۇردە ماراپاتتادى.

ءبىرقاتار مۇعالىمگە «ەلىمىزدىڭ ءبىلىم بەرۋدەگى قۇرمەتتى جۇمىسشىسى»، «ىبىراي التىنسارين» توسبەلگىسى جانە قالا اكىمىنىڭ «ەڭبەگى ءۇشىن» مەدالى تابىستالدى. العىس حاتتار بەرىلدى.