استاناداعى پارادتا اسكەري تەحنيكالار ساپىن ت-34 تانكى باستاپ شىقتى

   استانا. قازاقپارات استانادا «قازاق ەلى» الاڭىندا ق ر پرەزيدەنتى - جوعارعى باس قولباسشى نۇرسۇلتان نازاربايەۆتىڭ قاتىسۋىمەن وتان قورعاۋشى كۇنىنە جانە ۇلى وتان سوعىسىنداعى جەڭىستىڭ 70  جىلدىعىنا ارنالعان اسكەري پاراد ءوتىپ جاتىر.

  جاياۋ اسكەرلەر شەرۋى اياقتالعان سوڭ، قازاقستاننىڭ سوعىس جىلدارىنداعى جانە ەڭ سوڭعى جاڭا ۇلگىدەگى اسكەري تەحنيكالارى الاڭعا شىقتى. پارادتى ت-34 تانكى باستاپ شىقتى. بۇل سوعىس جىلدارىندا اتى اڭىزعا اينالعان ەڭ كۇشتى تانكتەردىڭ ءبىرى بولعان.

ول باسقا تانكتەردى، قۇرىشتى اۆتوكولىكتەردى جانە دوت (ۇزاق ۋاقىت اتۋ نۇكتەسى) ، دزوت (اعاش- توپىراقپەن بەكىتىلگەن اتۋ ورنى) تيپتەس باسقا دا قۇرىشپەن قاپتالعان نىسانداردى جانە جاۋدىڭ ءتىرى كۇشىن جويۋعا ارنالعان. تاكتيكالىق- تەحنيكالىق سيپاتتامالارى: تانك ەكيپاجى 5 ادام، تانك سالماعى 26,3 ت. , قارۋلانۋى: 76,2-مم ل-11 زەڭبىرەگى، 2 نە 3 7,62-مم دت پۋلەمەتتەرى. اتىس جيىنتىعى: زەڭبىرەككە 76 اتىس جانە پۋلەمەتتەرگە ارنالعان 4725 وق، ەڭ جوعارى جىلدامدىعى 53 ك م/سا ع. دەيىن، جانارماي بويىنشا ءجۇرىس قاشىقتىعى 400 ك م. ق ر ق ك قاتارىندا تۇعىرلار مەن مۇراجايلاردا 5 بىرلىگى بار. «سەمەي ينجينيرينگ» ا ق ق ر ق ك اسكەرلەرىنىڭ شەرۋىنە قاتىسۋ ءۇشىن ت-34 تانكىن كۇدەلى جوندەۋدەن تەگىن وتكىزگەن.

 ەستەرىڭىزگە سالا كەتەيىك، شاراعا قاتىساتىن جالپى اسكەري تەحنيكا سانى 227 بىرلىك. ق ر قارۋلى كۇشتەرىنەن - 188 تەحنيكا شىعادى، ونىڭ ىشىندە ت-34 تانكتەرى، زيل-157 اۆتوكولىكتەرى، زيس-2, م-30, رس30 «كاتيۋشا» قارۋلارى بار.