10:18, 06 - ماۋسىم 2015 | GMT +6
چاڭجياڭداعى كەمە اپاتىنان وپات بولعاندار سانى 345 كە جەتتى
استانا. قازاقپارات - قىتايدىڭ ءىرى يانتسزى(چاڭجياڭ) وزەنىندەگى «شىعىس جۇلدىزى» تۋريستىك تەپلوحودىنىڭ اپاتى 345 ادامنىڭ ءومىرىن جالمادى، دەپ حابارلادى ق ح ر رەسمي ب ا ق.
قازىرگى ساتتە 456 جولاۋشىنىڭ 14 ى عانا امان تابىلدى.
تۋريستىك كەمە نانجيڭنەن چۇڭچيڭگە بەت العان. بورتتاعى ادامداردىڭ بارلىعى - ق ح ر ازاماتتارى. نەگىزىنەن 50-80 ارالىعىنداعى زەينەتكەرلەر.
يانتسزى وزەنىنىڭ بۇل بولىگى قىتايلىق تۋريستەر اراسىندا ءوزىنىڭ ەرەكشە كورىكتىلىگىمەن تانىمال.