قازاقستاندا مال ۇرلىعى 32 پايىز ازايدى - ءى ءى م

نۇر- سۇلتان. قازاقپارات - سوڭعى بەس جىلدا قازاقستاندا مال ۇرلىعى سانى ازايدى. بۇل جايىندا ق ر ءى ءى م كريمينالدىق پوليتسيا دەپارتامەنتى باستىعىنىڭ ورىنباسارى سەرىك شالقاروۆ ايتىپ بەردى، دەپ حابارلايدى قازاقپارات.

ونىڭ ايتۋىنشا، 2017 -جىلدان 2021 -جىلعا دەيىن مال ۇرلىعى وقيعالارى % 35- عا (6,3 مىڭنان 2,2 مىڭعا دەيىن) ازايدى، ونىڭ ىشىندە ۇرلانعان مال سانى ەكى ەسەگە - 20 مىڭنان 9 مىڭعا دەيىن ازايعان.

«بيىل دا مال ۇرلىعىنىڭ تومەندەۋىنىڭ وڭ ءۇردىسى ساقتالىپ وتىر، مال ۇرلىعى % 32,7- عا تومەندەدى، بۇل رەتتە ۇرلانعان مالدىڭ % 44,1- ى قايتارىلدى (1300 مالدىڭ 573- ءى تابىلدى)»، - دەدى س. شالقاروۆ ق ر ءى ءى م ۇيىمداستىرعان ونلاين- بريفينگتە.

سونىمەن بىرگە، مينيسترلىك وكىلى مالدى قورعاۋ ءۇشىن نە ىستەۋ كەرەكتىگى تۋرالى ۇسىنىمدار بەرىلدى.

«مالدى قاراۋسىز قالدىرماۋ كەرەك جانە مال يەسى - اكىمدىك - مالشى اراسىندا ءۇشجاقتى شارت جاساپ، GPS- ترەكەرلەردى قولدانىپ، مال باسىن مىندەتتى تۇردە تاڭبالاۋ قاجەت جانە ساقتاندىرۋ قۇرالدارىن پايدالانعان ءجون. قازىر مال باسىن ساقتاندىرۋ قولجەتىمدى، ول مالدىڭ اۋرۋدان، ورتتەن، جازاتايىم وقيعالاردان، تابيعي اپاتتاردان جانە ۇرلىقتاردان ولۋىنەن، جوعالۋىنان ساقتاندىرۋدى قاراستىرادى»، - دەپ ءتۇسىندىردى سپيكەر.

اۆتور: ايجان سەرىكجان قىزى