ساۋد حانزاداسى بارلىق 32 ميلليارد دوللار قاراجاتىن قايىرىمدىلىققا جۇمساماق
اقپاراتتىق اگەنتتىكتەرىنىڭ حابارلاۋىنشا، ارنايى باسپا ءسوز كونفەرەنسياسىندا حانزادا قاراجاتتى قايىرىمدىلىق قورلارعا ءبولىپ اۋدارۋدى جوسپارلاپ وتىرعاندىعىن مالىمدەدى.
ءبىرىنشى كەزەكتە، حانزادا ايەلدەر قۇقىعى ءۇشىن كۇرەسەتىن قايىرىمدىلىق قورىنا جاردەمدەسۋگە نيەتتى، سونداي- اق ەمدەلمەيتىن اۋرۋلاردى زەردەلەۋدە دەمەۋشىلىك كورسەتپەك، تابيعي اپات قۇرباندارىنا قول ۇشىن سوزىپ، سالاۋاتتى ءومىر سالتىن ناسيحاتتاۋدى قولداماق.
ءال- ۆاۆيد اقشا اۋدارۋدى قاشان اياقتايتىنىن باسىپ ايتپادى، تەك ءۇردىس بىرنەشە جىلعا سوزىلاتىنىن اتاپ ءوتتى. ول بۇل شەشىم ءوزىنىڭ جەكە جاعدايىنا قالاي اسەر ەتەتىنى جايلى دا ءسوز قوزعامادى، تەك بالالارى بۇل شەشىمىن قولداعانىنا توقتالىپ ءوتتى، دەپ جازادى بي-بي-سي.
حانزادا ءال- ۆاليد ساۋد كورولى وتباسىنىڭ مۇشەسى. ول ينۆەستيتسيالىق جوبالارمەن قاراجات تاباتىن ءىرى كاسىپكەر رەتىندە دە بەلگىلى. حانزادا Forbes جۋرنالىنىڭ نۇسقاسى بويىنشا الەمدەگى ەڭ باي ادامداردىڭ تىزىمىندە 22- ورىندا.
