قاراعاندى وبلىسىنىڭ پوليتسياسىندا 32 ۇلت وكىلى جۇمىس ىستەپ ءجۇر
پوليتسەيلەر ق ح ا- نىڭ مۇشەلەرى، ەتنومادەني بىرلەستىكتەردىڭ باسشىلارىمەن ۇلتارالىق كەلىسىم مەن توزىمدىلىكتى نىعايتۋ ماسەلەلەرىن ورتاعا سالدى.
«قاراعاندى وبلىسىنىڭ پوليتسياسىندا 32 ۇلت وكىلدەرى جۇمىس ىستەپ ءجۇر. ولاردىڭ اراسىندا قازاق، ورىس، ۋكراين، ليتۆالىقتار، شەشەندەر، مولداۆاندار جانە باسقالارى، قىتايلار مەن فيندەر بار. ءبىز ءبىر- ءبىرىمىزدىڭ داستۇرلەرىمىز بەن سالتتارىمىزدى سىيلاپ، ۇلكەن تاتۋ وتباسى سياقتى قىزمەت ەتىپ ءجۇرمىز»، - دەدى وبلىستىق ءى ءى د باستىعىنىڭ ورىنباسارى، پوليتسيا پولكوۆنيگى ارداق ىنتىقبايەۆ.
ول جينالعانداردى الداعى قازاقستان حالقى بىرلىگىنىڭ مەرەكەسىمەن قۇتتىقتادى. «مۇمكىندىكتى پايدالانا وتىرىپ، بۇكىل قازاقستان حالقىن سايلاۋدا ەل پرەزيدەنتى نۇرسۇلتان نازاربايەۆتىڭ جەڭىسكە جەتۋىمەن قۇتتىقتاعىم كەلىپ وتىر. بۇل بۇكىل ەل ءۇشىن ۇلكەن جەڭىس»، - دەپ قوسىپ ءوتتى ا. ىنتىقبايەۆ.
قاراعاندى وبلىسىنداعى ق ح ا عىلىمي- ساراپتاۋ توبىنىڭ جەتەكشىسى ۆيلەن مولوتوۆ- لۋچانسكي قازاقستان حالقى اسسامبلەياسىنىڭ بىرەگەيلىگى تۋرالى ايتتى.
