09:18, 30 - مامىر 2015 | GMT +6
جازىقسىز جازاعا ۇشىراعان قازاقستاندىقتاردىڭ اراسىندا 320 قازالىلىق ازامات بار - قىزىلوردا وبلىسى - فوتو
قىزىلوردا. قازاقپارات - تاريحي داتا، 31- مامىر - ساياسي قۋعىن-سۇرگىن قۇرباندارىن ەسكە الۋ كۇنى قارساڭىندا قازالى جۇرتشىلىعى تاريحتىڭ اقتاڭداق بەتتەرىن ءبىر اقتارىپ ءوتتى. بۇل تۋرالى اۋداندىق اكىمدىكتىڭ باسپا ءسوز قىزمەتى حابارلادى.
«زۇلمات جىلدار جاڭعىرىعى» اتتى ەسكە الۋ شاراسىندا اۋدان اكىمىنىڭ ورىنباسارى باقىتجان جارىلقاپ بۇل كۇننىڭ قازاقستان ءۇشىن ەرەكشە ماڭىزى بار ەكەندىگىن جەتكىزدى.
سول كەزدەگى زۇلماتتى كوزبەن كورىپ، باستان كەشكەن جانداردىڭ ءبىرى - قازالىلىق ارداگەر سراجادين وتەيەۆ. بۇگىنگى شاراعا ارنايى كەلگەن 83 جاستاعى اقساقال جاس ۇرپاقتىڭ سول قاتىگەز كۇندەردى كورمەۋىن تىلەدى.
شارا بارىسىندا تاريحشىلار وتكەن عاسىردىڭ العاشقى كەزەڭىندەگى زۇلمات زامانعا شولۋ جاسادى.
ايتا كەتەيىك، سولاقاي ساياساتتىڭ كەسىرىنەن جازىقسىز جازاعا ۇشىراعان قازاقستاندىقتاردىڭ اراسىندا 320 قازالىلىق ازامات بار.
