اپاتقا ۇشىراعان مىسىرلىق ا320 ۇشاعى 18 ميلليون دوللارعا ساقتاندىرىلعان

استانا. قازاقپارات - جەرورتا تەڭىزىندە اپاتقا ۇشىراعان EgyptAir كومپانياسىنىڭ ا320 ۇشاعى 18 ميلليون دوللارعا دەيىنگى سوماعا ساقتاندىرىلعان.

«ءال- فاگر» جاڭالىقتار پورتالىنىڭ حابارلاۋىنشا، بۇل تۋرالى Misr Insurance ساقتاندىرۋ كومپانياسىنىڭ باسقارما ءتوراعاسى ادەل مۇسا مالىمدەدى.

ونىڭ ايتۋىنشا، ساقتاندىرۋ قۇنىنىڭ سوڭعى باعاسى قايعىلى وقيعانىڭ ناقتى سەبەبى جاريالانعان سوڭ بەرىلەدى. جولاۋشىلارعا كەلەتىن بولساق، ءا. مۇسانىڭ ايتۋىنشا، تولەمدەر ولاردىڭ قاي ەلدىڭ ازاماتى بولۋىنا بايلانىستى وتەلەدى، سەبەبى ساقتاندىرۋدىڭ وسى ءتۇرى ءۇشىن ءبىرىڭعاي ستاندارت بەلگىلەنبەگەن، دەپ جازادى ت ا س س.

مىسىردىڭ ازاماتتىق اۆياتسيا مينيسترلىگى EgyptAir اۆياكومپانياسىنىڭ ا320 لاينەرى اپاتقا ۇشىراعانىن راستادى. ۇشاق پاريجدەن كايرگە بەت العان، مىسىر جاعالاۋىنان شامامەن 280 شاقىرىم جەردە راداردان جوعالىپ كەتتى.

ۇشاقتا 12 مەملەكەتتىڭ ازاماتى بولعان. جولاۋشىلاردىڭ جالپى سانى - 56.