قىتايدىڭ چىڭدۋ قالاسىندا 31-دۇنيەجۇزىلىك جازعى ۋنيۆەرسيادا باستالدى

سالتاناتتى اشىلۋ ءراسىمى جۇما كۇنى كەشكە قىتايدىڭ چىڭدۋ قالاسىنداعى سپورت ستاديونىندا ءوتتى.
قىتاي ءتوراعاسى شي جينپيڭ ۋنيۆەرسيادانىڭ اشىلعانىن جاريالادى. قازاقستاندىق سپورتشىلار چىڭدۋ قالاسىندا ءوتىپ جاتقان 31-دۇنيەجۇزىلىك جازعى ۋنيۆەرسيادانىڭ اشىلۋ سالتاناتىندا دەلەگاتسيالار شەرۋىنەن ءوتتى. ۋنيۆەرسيادادا 18 سپورت تۇرىنەن 269 جۇلدە جيناعى وينالادى.
قازاقستاننىڭ 90 سپورتشىدان تۇراتىن ستۋدەنتتىك كومانداسى سپورتتىڭ 10 تۇرىنە قاتىسادى: ساداق اتۋ، گيمناستيكا، جەڭىل اتلەتيكا، سەمسەرلەسۋ، دزيۋدو، ءجۇزۋ، ۇستەل تەننيسى، تاەكۆوندو، وق اتۋ، ۋشۋ.
قىتاي ءۇشىنشى رەت دۇنيەجۇزىلىك جازعى ۋنيۆەرسيادانى وتكىزىپ جاتىر، بۇعان دەيىنگى ويىندار 2001 -جىلى بەيجىڭدە جانە 2011 -جىلى شەنچجەندە وتكەن بولاتىن. 31-شى دۇنيەجۇزىلىك جازعى ۋنيۆەرسيادا 28-شىلدە مەن 8-تامىز ارالىعىندا چىڭدۋ قالاسىندا وتەدى.