10:32, 25 - تامىز 2021 | GMT +6
تاليبان كابۋلدان ەۆاكۋاتسيالاۋدى 31-تامىزعا دەيىن اياقتاۋدى تالاپ ەتتى
نۇر- سۇلتان. انادولى- قازاقپارات - تاليبان قوزعالىسىنىڭ وكىلى زابيبۋللا مۋدجاحيد اۋعانستاننان ەۆاكۋاتسيالاۋ پروتسەسى 31-تامىزعا دەيىن اياقتالۋى ءتيىس ەكەنىن مالىمدەدى.
ا ق ش- پەن جاسالعان كەلىسىم بويىنشا، اتالعان مەرزىمگە شەيىن ەلدەن سوڭعى امەريكاندىق سارباز كەتۋى ءتيىس، دەپ حابارلايدى قازاقپارات انادولى اگەنتتىگىنە سىلتەمە جاساپ.
كابۋلدا وتكەن باسپا ءسوز ءماسليحاتىندا تالىپتەر وكىلى بۇل مەرزىم اۋىستىرىلمايتىنىن اتاپ ءوتتى. ونىڭ ايتۋىنشا، اۋعانستانداعى جاعداي قالىپقا كەلە جاتىر، الايدا كابۋل اۋەجايىنداعى الاساپىران ەل ءۇشىن پروبلەما بولىپ وتىر.
مۋدجاحيد كابۋلدا ا ق ش- تىڭ ورتالىق بارلاۋ باسقارماسىنىڭ ديرەكتورى ۋيليام بەرنستىڭ تاليبان قوزعالىسىنىڭ كوشباسشىسىنىڭ ءبىرى مۋللا ءابدۋلعاني بيرادەرمەن كەزدەسۋى جايىندا ەش اقپاراتتى بىلمەيتىنىن اتاپ ءوتتى.