قازاقپارات كۇنتىزبەسى: 31- قاڭتار
اتاۋلى كۇندەر
حالىقارالىق زەرگەرلەر كۇنى
ەجەلگى گرەكيا زەرگەرلىك ونەردىڭ وتانى بولىپ سانالادى. اسىل تاستار العاش وڭدەلىپ، ەڭ ءساندى اشەكەي بۇيىمدار وسى جەردە جاسالا باستاعان. ەجەلگى شەبەرلەردىڭ قولىنان شىققان بۇل تۋىندىلار بۇگىنگى كۇنگە دەيىن ەڭ عاجايىپ تۋىندىلار قاتارىندا.
ەستە قالار وقيعالار
1991-جىلى قازاق ك س ر مينيسترلەر كەڭەسىنىڭ قاۋلىسىمەن وسكەمەن پەداگوگيكالىق ينستيتۋتىنىڭ اتاۋى شىعىس قازاقستان مەملەكەتتىك ۋنيۆەرسيتەتى بولىپ وزگەردى.
1997-جىلى الماتى تەمىر جولى باسقارماسى مەن تسەليننىي تەمىر جولى باسقارماسى جانە باتىس قازاقستان تەمىر جولى باسقارمالارىنىڭ بىرىگۋى ارقىلى «قازاقستان تەمىر جولى» مەملەكەتتىك مەكەمەسى قۇرىلدى.
قوسىلۋ ماقساتى - تاسىمالداۋ باسقارماسى قۇرىلىمىن ءتيىمدى ەتۋ جانە تەمىرجول سالاسىنىڭ قارجىلىق-ەكونوميكالىق جاعدايىن جاقسارتۋ.
2006-جىلى باسقارۋىنا ۇلتتىق كومپانيالار مەن رەسپۋبليكالىق مەكەمەلەردىڭ مەملەكەتتىك ۇلەسى بەرىلگەن «سامۇرىق» ۇلتتىق حولدينگتىك كومپانياسى» ا ق قۇرىلدى.
2007-جىلى الماتىدا كەشەندى عىلىمي-تەحنيكالىق «قازاقستان رەسپۋبليكاسىنىڭ ۇلتتىق اتلاسى» جانە «قازاقستان رەسپۋبليكاسى» اتتى مونوگرافيا جارىققا شىقتى. اتالمىش ەڭبەكتەردىڭ ءارقايسىسى 3 تومنان تۇرادى. اتلاستىڭ 1-تومى تابيعي-رەسۋرستىق احۋالعا ارنالعان. اتلاستىڭ الەۋمەتتىك-ەكونوميكالىق احۋالعا ارنالعان 2- تومىندا ەلىمىزدىڭ حالقى، الەۋمەتتىك سالاسى، تۋريستىك ورىندارى، اۋىل شارۋاشىلىعى، اۋماقتاردىڭ الەۋمەتتىك-ەكونوميكالىق سالاسى، سىرتقى ەكونوميكالىق بايلانىستار، تاريحى جانە ارحەولوگياسىنا قاتىستى 116 كارتا بەرىلگەن. ۇلتتىق اتلاستىڭ 3- تومىنان ەلىمىزدىڭ تابيعي-شارۋاشىلىق جۇيەلەرىنىڭ ەكولوگيالىق جاعدايىنا ارنالعان 89 كارتامەن تانىسۋعا بولادى.
2008-جىلى الماتىدا مۇقاعالي ماقاتايەۆ اتىنداعى جاڭا سىيلىق تاعايىندالدى. ول مۇقاعالي مۇرالارىن ناسيحاتتاۋعا ۇلەس قوسقان جانە عىلىمي-زەرتتەۋ جۇمىستارىنا اتسالىسقان شىعارماشىلىق وكىلدەرىنە بەرىلەدى.
2011-جىلى الماتى قالاسىنداعى «مەدەۋ» سپورت كەشەنىنىڭ وڭتۇستىك بولىگىندە قار بارىسى ساياباعى اشىلدى. «مادەني ازيادا» باعدارلاماسىنىڭ اياسىندا جۇزەگە اسىرىلعان جاڭا ويىن-ساۋىق نىسانى الماتى تۇرعىندارى جانە قالا قوناقتارى اراسىندا سالاۋاتتى ءومىر سالتىن ناسيحاتتاۋ ءۇشىن قۇرىلدى.
2012-جىلى الماتىدا تۇڭعىش رەت ماعجان جۇمابايەۆتىڭ «تابالدىرىق. مانيفەست» كىتابىنىڭ باسپا نۇسقاسى شىقتى.
2013-جىلى ءال-فارابي اتىنداعى قاز ۇ ۋ «تاللورەس» حالىقارالىق جوعارى ءبىلىم ينستيتۋتتارى قاۋىمداستىعىنىڭ قاتارىنا قابىلداندى.
2013-جىلى قازاقستاندىق ءالي امانبايەۆ بۇۇ دامىتۋ باعدارلاماسىندا مۇمكىندىگى شەكتەۋلى جانداردىڭ ءوز قۇقىقتارى ءۇشىن كۇرەسۋىندە جەتىستىكتىڭ ۇزدىك جولىن كورسەتكەنى ءۇشىن ماراپات الدى. ماراپاتتى نيۋ-يوركتا 2013-جىلعى ديرەكتورلار كەڭەسىنىڭ سەسياسىندا ب ۇ ۇ دامىتۋ باعدارلاماسىنىڭ اكىمشىسى تاپسىردى.
2017-جىلى ق ر ۇلتتىق بانكى نومينالى 100 تەڭگەلىك، «рroоf» ساپالى كۇمىستەن ق ر ۇلتتىق وليمپيادا كوميتەتىنىڭ 25 جىلدىعىنا ارنالعان ەسكەرتكىش كۇمىس مونەتالاردى اينالىمعا شىعارادى. مونەتا 925 سىنامدى كۇمىستەن جاسالعان، ماسساسى - 31,1±0,31 گ، ديامەترى - 38,61 م م، دايىنداۋ ساپاسى - «proof»، تارالىمى - 1 مىڭ دانا.
2018-جىلى قازاقستان حالىقارالىق ازاماتتىق اۆياتسيا ۇيىمىنىڭ (يكاو - اعىلشىن تىلىندە ICAO - International Civil Aviation Organization) اۆياتسيالىق قاۋىپسىزدىك بويىنشا اۋديتىنەن تابىستى ءوتىپ، حالىقارالىق ستاندارتتارعا سايكەستىگىنىڭ جوعارى دەڭگەيىن راستادى.
يكاو اۋديتى - مەملەكەتتىڭ ازاماتتىق اۆياتسيا سالاسىنىڭ قاۋىپسىزدىك جۇيەسىن باعالاۋدا وبەكتيۆتى قۇرالداردىڭ ءبىرى.
2018-جىلى الماتىدا ج و و مۇعالىمدەرىنىڭ باستاماسىمەن قالا ۋنيۆەرسيتەتتەرىنىڭ اليانسى قۇرىلدى. اليانس قۇرامىنا وڭتۇستىك استاناداعى بارلىق 38 ۋنيۆەرسيتەت كىردى. اليانستىڭ نەگىزگى ماقساتى - «رۋحاني جاڭعىرۋ» باعدارلاماسىن ىسكە اسىرۋدا جوعارى وقۋ ورىندارىنىڭ وقىتۋشىلارى مەن ساراپشىلارىنىڭ الەۋەتىن تارتۋ.
