سينوپتيكتەر قازاقستاندا 31- شىلدە كۇنى بولاتىن اۋا رايى بولجامىن جاريالادى
وڭتۇستىكتە جەل كۇشەيىپ، ارتى شاڭدى داۋىلعا ۇلاسادى. كۇندىز سولتۇستىكتە بۇرشاق جاۋۋى ىقتيمال. بۇل تۋرالى قازاقپارات توتەنشە جاعدايلار سالاسىنىڭ مالىمەتتەرىنە سۇيەنە وتىرىپ حابارلايدى.
تۇركىستان وبلىسى مەن قىزىلوردا وبلىسىنىڭ كەي جەرلەرىندە جەل كۇشەيىپ، سەكۋندىنا 15-12 مەترگە جەتەدى، ارتىنان شاڭدى داۋىل بولادى.
جامبىل وبلىسىندا جەل سەكۋندىنا 15-20 مەتر جىلدامدىقپەن سوعادى. تاڭ اتا جانە كۇندىز ءبىرقاتار ايماقتاردا بۇرشاق جاۋۋى ىقتيمال.
شىعىس قازاقستان، قاراعاندى، سولتۇستىك قازاقستان وبلىستارىندا كۇندىز جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. تۇندە جانە كۇندىز تۇمان تۇسەدى. شىعىس قازاقستان، سولتۇستىك قازاقستان وبلىستارىندا كۇندىز نايزاعاي ويناپ، بۇرشاق جاۋۋى ىقتيمال.
پاۆلودار وبلىسىنىڭ كەي جەرلەرىندە نايزاعاي ويناپ، بۇرشاق جاۋۋى مۇمكىن، جەل سەكۋندىنا 18 مەتر جىلدامدىقپەن ۇيتقيدى.
قوستاناي وبلىسىنىڭ كەي جەرلەرىندە تۇمان ءتۇسىپ، نايزاعاي وينايدى، جەلدىڭ جىلدامدىعى سەكۋندىنا 15-20 مەتر بولادى.
اقمولا وبلىسىنىڭ كەي جەرلەرىندە نايزاعاي ويناپ، بۇرشاق جاۋۋى دا ىقتيمال. باتىس قازاقستان وبلىسىندا كۇندىز ءبىرقاتار ايماقتاردا جەلدىڭ جىلدامدىعى سەكۋندىنا 15-20 مەتر بولادى.
ماڭعىستاۋ، اتىراۋ، اقتوبە، باتىس قازاقستان، قوستاناي وبلىسىنىڭ كەي جەرلەرىندە جانە قاراعاندى وبلىسىندا اپتاپ ىستىق بولادى دەگەن بولجام بار.
قىزىلوردا، تۇركىستان، اقتوبە وبلىسىنىڭ كەي جەرلەرىندە، اتىراۋ، باتىس قازاقستان، ماڭعىستاۋ، قوستاناي، قاراعاندى، جامبىل، الماتى وبلىستارىندا ەرەكشە ءورت قاۋپى ساقتالادى.
