14:23, 07 - تامىز 2023 | GMT +6
پاكىستاندا پويىز اپاتىنان قازا تاپقاندار سانى 30 عا جەتتى
يسلاماباد. قازاقپارات - پاكىستاننىڭ وڭتۇستىك- شىعىسىندا پويىزدىڭ رەلستەن شىعىپ كەتۋىنەن كەم دەگەندە 30 ادام قازا تاپتى، تاعى 80 ادام جاراقات الدى، دەپ حابارلايدى قازاقپارات «انادولى» اقپارات اگەنتتىگىنە سىلتەمە جاساپ.
بۇعان دەيىن حابارلانعانداي، پاكىستاننىڭ ناۆابشاح قالاسى ماڭىندا جولاۋشىلار پويىزى رەلستەن شىعىپ كەتىپ، 22 ادام مەرت بولدى جانە 50 ادام جاراقاتتاندى. كاراچيدەن راۆالپيندي قالاسىنا باعىت العان Hazara Expressi پويىزىنىڭ 10 ۆاگونى نوۆابشاح قالاسى ماڭىندا رەلستەن شىعىپ كەتكەن. تەمىرجول ءمينيسترى حاۆادجا سااد رافيكتىڭ ايتۋىنشا، جول اپاتى تەحنيكالىق اقاۋدان نەمەسە استىرتىن ارەكەتتىڭ سالدارىنان بولۋى ىقتيمال.
