الداعى كۇندەرى 30 گرادۋس ىستىق اۋا رايى بولادى

استانا. قازاقپارات - سينوپتيكتەر 11-13-ساۋىردە قازاقستاندا اۋا رايى قانداي بولاتىنىنا بولجام جاسادى.

اتموسفەرالىق فرونتال بولىكتەردىڭ وتۋىنە بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى – 11-ساۋىردە، 12-ساۋىردە تۇندە قازاقستاننىڭ وڭتۇستىگىندە، وڭتۇستىك-شىعىسىندا جاڭبىر جاۋادى، كەي جەردە قاتتى جاۋىن-شاشىن (جاڭبىر، قار).

رەسپۋبليكانىڭ سولتۇستىك جارتىسىندا سكانديناۆيا ايماقتارىنان سولتۇستىك-باتىس انتيتسيكلوننىڭ كىرۋى اسەرىنەن اۋا تەمپەراتۋراسى تۇندە 5-10 گرادۋس ايازعا دەيىن تومەندەيدى دەپ كۇتىلەدى.

الايدا كۇندىز اۋا تەمپەراتۋراسىنىڭ بىرتىندەپ كوتەرىلۋى كۇتىلەدى، 13-ساۋىردە تەرمومەترلەر رەسپۋبليكانىڭ سولتۇستىك جارتىسىندا 10-18 گرادۋسقا، وڭتۇستىكتە 17-30 گرادۋسقا دەيىن جەتەدى.

رەسپۋبليكادا تۇمان، جەل كۇشەيەدى، وڭتۇستىك وبلىستاردا قۇمدى داۋىل سوعىپ، نايزاعاي وينايدى، سولتۇستىك جارتىسىندا كوكتايعاق بولادى.