تاۋەلسىزدىكتىڭ 30 جىلدىعىنا وراي وسى اپتادا ەلوردادا قانداي مادەني ءىس-شارا وتەدى

نۇر-سۇلتان. قازاقپارات - وسى اپتادا ەلوردانىڭ مادەنيەت مەكەمەلەرى قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي 40 تان استام ءتۇرلى ءىس-شارا وتكىزەدى.

كورمەلەر، سپەكتاكلدەر، دارىستەر، كونسەرتتەر مەن بايقاۋلار وفلاين جانە ونلاين رەجيمدە ۇيىمداستىرىلادى، دەپ حابارلايدى قازاقپارات نۇر-سۇلتان اكىمدىگىنىڭ رەسمي سايتىنا سىلتەمە جاساپ.

وسى اپتادا م. گوركي اتىنداعى مەملەكەتتىك اكادەميالىق ورىس دراما تەاترى ءۇش قويىلىم قويادى. 14- جانە 15- جەلتوقسان كۇندەرى س. سەيفۋللين، ب. مايلين، ءى. جانسۇگىروۆ شىعارمالارىنان «كرىلاتايا يسپوۆەد ۆولنىح سەردەتس» اتتى مۋزىكالىق-پوەتيكالىق كومپوزيتسياسىن كورۋگە بولادى. 15- جەلتوقسان كۇنى ساعات 11:00 دە جانە 14:00 دە جاس كورەرمەندەر ءۇشىن م. سۋپونيننىڭ «كوزا-دەرەزا» ەرتەگىسىن دايىنداپ وتىر.

18- جانە 19- جەلتوقساندا م. گوركي اتىنداعى مەملەكەتتىك اكادەميالىق ورىس دراما تەاترى ا. وستروۆسكيدىڭ «گروزا» دراماسىن ۇسىنادى.

«جاستار» تەاترى 14- جەلتوقسان كۇنى ساعات 12:00 دە جانە 14:00 دە ا. فايزۋلليننىڭ «ءۇي تاڭداعان لاق» ەرتەگىسىنە شاقىرادى. ەرتەڭ «ناز» مەملەكەتتىك ءبي تەاترىندا «گەندەرلىك تەڭدىك سالاسىنداعى مەملەكەتتىك ساياسات» تاقىرىبىندا ءدارىس وتەدى.

15- جەلتوقسان كۇنى ساعات 17:00 دە تاۋەلسىزدىكتىڭ 30 جىلدىعىنا وراي زاعيپا يمانعازىنىڭ «بابالار سالعان سارا جول» اتتى كونسەرتى وتەدى.

16- جەلتوقسان كۇنى ساعات 19:00 دە «Nomad City Hall» ساحناسىندا تاۋەلسىزدىك كۇنىنە ارنالعان «جاس اباي» سپەكتاكلى كورسەتىلەدى.

مۋزىكالىق جاس كورەرمەن تەاترى 14- جەلتوقسان كۇنى ساعات 15:00 دە «زولۋشكا» مۋزىكالىق ەرتەگىسىنە شاقىرادى. كۇندىز كورەرمەندەردى «ءشامشى» مۋزىكاسى كۇتىپ تۇر.

17، 18- جانە 19- جەلتوقساندا ءدال وسى تەاتردا «شانەل 5№» دەرەكتى دراماسىنىڭ پرەمەراسىن ۇسىنادى.

سپەكتاكل الجيردەگى ۇلتتىق ينتەلليگەنتسيا ايەلدەرىنىڭ قايعى-قاسىرەتى تۋرالى شىنايى اڭگىمەلەرگە نەگىزدەلگەن.

ەلوردالىق قۋىرشاق تەاترى 16- جەلتوقسان كۇنى ساعات 14:00 دە جانە 16:00 دە س. ءجۇنىسوۆتىڭ «اتامەكەن» دراماسىن كورسەتەدى.

18- جانە 19- جەلتوقساندا تەاتر ارتىستەرى «جاڭا جىل عاجايىپتارى» قۋىرشاقتار شوۋىمەن ونەر كورسەتەدى.

«جاستار» سارايى الەۋمەتتىك جەلىلەردەگى ءوز اككاۋنتتارىندا وسى اپتادا «يۋبيليار 2021» شولۋ- تانىمدىق ۆيكتوريناسىن، قازاقستاننىڭ تاۋەلسىزدىك كۇنىنە ارنالعان ونلاين سۋرەتتەر كورمەسىن وتكىزەدى.

16- جانە 17- جەلتوقساندا استانالىق سيرك تاۋەلسىزدىكتىڭ 30 جىلدىعىنا ارنالعان استانالىق سيرك ەسىگىن ايقارا اشادى» قايىرىمدىلىق سيرك باعدارلاماسىن ۇيىمداستىرادى.

15- جەلتوقساندا «اتامەكەن» قازاقستان كارتاسى» ەتنو-مەموريالدىق كەشەنى «ۇزدىك ساباق» جانە «ۇزدىك پەداگوگ» ونلاين كونكۋرستارىنىڭ جەڭىمپازدارىن ماراپاتتايدى.

15- جانە 16- جەلتوقساندا الجير ساياسي قۋعىن-سۇرگىن جانە توتاليتاريزم قۇرباندارىنىڭ مۇراجاي-مەموريالدىق كەشەنى «جەلتوقسان - تاۋەلسىزدىكتىڭ باستاۋى» ونلاين ءدارىسىن جانە «جەلتوقسان قاھارمانى» تاقىرىبىندا سلايدتار كورمەسىن دايىندايدى.

وسى اپتادا ساكەن سەيفۋللين مۇراجايى دا ونلاين فورماتتا ءبىرقاتار ءىس-شارا ۇيىمداستىرادى. ونىڭ ىشىندە ءداستۇرلى بەينەەكسكۋرسيا، «قاسيەتىڭنەن اينالدىم - تاۋەلسىزدىك» ادەبي كەشى، «جەلتوقسان قاھارماندارى جانە تاۋەلسىزدىك» ونلاين-فوتوكورمەسى، «ۇلت ماقتانىشى» دەرەكتى فيلمى بار. تاريحي- مادەني مۇرا ەسكەرتكىشتەرى مەن وبەكتىلەرىنىڭ ساقتالۋىن قامتاماسىز ەتۋ جونىندەگى ديرەكتسيا جوسپارلاعان ءىس- شارالار تىزىمىندە «قازاقستان تاۋەلسىزدىگىنىڭ تاريحى» ءدارىسى، «تاۋەلسىز ەلدىڭ ۇرپاعى» ونلاين- ساباعى، «ۇلى دالا ەلى مونۋمەنتى» ونلاين-ەكسكۋرسياسى بار.

قالانىڭ ورتالىقتاندىرىلعان كىتاپحانا جۇيەسىنىڭ بولىمشەلەرى دە 20 دان استام ءىس-شارا وتكىزۋدە. قازاقستان تاۋەلسىزدىگىنىڭ 30 جىلدىعىنا وراي ەلوردا كىتاپحانالارى كورمەلەر، تاريح ساباقتارىن، اقپاراتتىق ساعاتتاردى، ونلاين-سۋرەتتەر بايقاۋىن، اقىندار سايىسىن وتكىزەدى. بارلىق جوسپارلانعان ءىس-شارالار سانيتارلىق نورمالار مەن كارانتين تالاپتارىن قاتاڭ ساقتاي وتىرىپ جۇرگىزىلەدى.