اتىراۋدا «30 يگى ءىس» قايىرىمدىلىق اكسياسى باستالدى
«قوعامدىق كەلىسىم» ك م م «دوستىق» ۇيىندە «30 يگى ءىس» اكسياسى اياسىندا قايىرىمدىلىق مارافونىن ۇيىمداستىردى. وعان ەتنومادەني بىرلەستىك وكىلدەرى مەن شىعارماشىلىق توپتارى، د. نۇرپەيىسوۆا اتىنداعى مۋزىكالىق اكادەميانىڭ ونەرپازدارى، «شەكسىز تالانتتار» بي مەكتەبىنىڭ ونەرپازدارى اتسالىستى. ونلاين جانە وفلاين فورماتتا وتكەن شارادا قايىرىمدىلىق اكسياسىنا وراي تاتار- باشقۇرت، كورەي، ورىس، ۋكراين، نەمىس، سلاۆيان، داعىستان ەتنومادەني بىرلەستىكتەرىنىڭ شىعارماشىلىق توپتارى مەن مۇمكىندىگى شەكتەۋلى جانداردان قۇرالعان «شەكسىز تالانتتار» بي مەكتەبىنىڭ ونەرپازدارى مەن ءالفيا ءادىل قىزى ونەر كورسەتتى.
«الداعى ۋاقىتتا «30 يگى ءىس» قايىرىمدىلىق اكتسياسىنا وراي اۋقىمدى شارا وتكىزۋدى جوسپارلاپ وتىرمىز. سوندىقتان، ءتۇرلى فورماتتا وتەتىن مۇنداي قايىرىمدىلىق ءىس- شاراسى جالعاسىن تابادى. ال بۇل شارانىڭ ماقساتى - مۇمكىندىگى شەكتەۋلى جاندارعا، سونىڭ ىشىندە بالالارعا قايىرىمدىلىق كونتسەرت ۇيىمداستىرىپ، از دا بولسا كومەك قولىن سوزۋ»، - دەيدى «قوعامدىق كەلىسىم» ك م م باسشىسى جانار ءىلياسوۆا.
قايىرىمدىلىق اكسياسى كەزىندە مۇمكىندىگى شەكتەۋلى بالالارعا ارنايى دايىندالعان سىيلىقتار تابىس ەتىلدى.
ەسكە سالا كەتەلىك، بۇدان بۇرىن اتىراۋدا تاۋەلسىزدىكتىڭ 30 جىلدىعىنا وراي 30 اۋديتوريا جاساقتالاتىنىن جازعان ەدىك.