09:48, 14 - قاڭتار 2017 | GMT +5
ارگەنتينادا قىلمىسكەرلەر 30 سەكۋندتىڭ ىشىندە بانكتى توناپ كەتتى
استانا. قازاقپارات - بۋەنوس- ايرەستەن نەبارى 30 شاقىرىم جەردەگى تيگرە قالاسىندا قاراقشىلارعا بانكتەن 750 مىڭ پەسونى الىپ كەتۋگە جارتى مينۋت قانا كەرەك بولعان.

ارگەنتينالىق "تودو نوتيسياس" تەلەارناسىنىڭ حابارلاۋىنشا، بەتتەرىن تۇمشالاعان باۋكەسپەلەر بانككە Mercedes اۆتوموبيلىمەن كەلگەن. ولار شىنى ەسىكتى قيراتىپ، ىشكە كىرگەن دە اقشانى جىمقىرىپ كەتكەن.
بانكتەگى ۇرلىق نەبارى 24 سەكۋندقا سوزىلعان.
تەلەارنانىڭ دەرەكتەرىنە قاراعاندا، ۇرلىق كەزىندە مىلتىق اتىلماعان. بانكىنىڭ شىعىنى 750 مىڭ پەسو ($47 مىڭ).
پوليتسيانىڭ مالىمدەۋىنشە، قىلمىسكەرلەر بانكتىڭ ماڭىنداعى بىرنەشە ۇيدەن كەيىن ماشينانى تاستاپ، وزگە كولىككە ءمىنىپ كەتكەن.