07:10, 06 - قاڭتار 2017 | GMT +5
گەرمانيانىڭ بوسقىندار ورتالىعىندا وقىس وقيعادان 30 عا جۋىق ادام زارداپ شەكتى
بەرلين. قازاقپارات - گەرمانياداعى بوسقىندار ورتالىعىندا بولعان ءورت كەزىندە 30 عا جۋىق ادام زارداپ شەكتى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى گەرمانيانىڭ DPA اگەنتتىگىنە سىلتەمە جاساپ.
وقيعا حەفەلحوف قالاسىندا (سولتۇستىك رەين- ۆەستفاليا جەرى) باسپانا تابا الماي، بوسىپ جۇرگەن 500 ادام تۇرىپ جاتقان بۇرىنعى اسكەري كازارمادا بولدى.
پوليتسيانىڭ مالىمەتتەرى بويىنشا، ورتتەن اۋىر جاراقات العان بىرنەشە ادام جەرگىلىكتى اۋرۋحاناعا جەتكىزىلگەن. قالعان 20 بوسقىن مەن ەكى ءورت ءسوندىرۋشى وقيعا ورنىندا مەديتسينالىق كومەك الدى.
ءورتتىڭ شىعۋ سەبەبى انىقتالۋ ۇستىندە. سوت-مەديتسينا ساراپشىلارى ءورت بولعان ورىندى جۇما كۇنى قاراپ كورەدى.
