يەمەندەگى جارىلىس سالدارىنان 30 دان استام پوليتسيا كۋرسانتتارى قازاعا ۇشىرادى

استانا. قازاقپارات - يەمەننىڭ وڭتۇستىگىندە، مۋكاللا پورتىندا «يسلام مەملەكەتى» توبى مۇشەسىنىڭ ءوزىن- ءوزى جارىپ جىبەرۋى سالدارىنان كەمىندە 31 پوليتسيا كۋرسانتى اجال قۇشتى، دەپ حابارلادى bbc.

جەرگىلىكتى دارىگەرلەردىڭ ايتۋىنشا، كەمىندە 60 ادام جارالانعان. شابۋىل وتكەن ايدا قايتادان ۇكىمەتتىك اسكەرلەر قولىنا وتكەن مۋكاللانىڭ شەت جاعىندا بولعان.

رەسمي ادامداردىڭ ايتۋىنشا، تاعى ەكىنشى جارىلىس بولعان. شابۋىل جاساۋشىلار جەرگىلىكتى قاۋىپسىزدىك قىزمەتىنىڭ باستىعىن ولتىرمەك بولعان، ءبىراق تا ول ءتىرى قالدى، ونىڭ التى كۇزەتشىسى قازاعا ۇشىرادى.

شابۋىل يەمەن ۇكىمەتى مەن كوتەرىلىسشى- حۋسيتتەر اراسىنداعى بەيبىت كەلىسسوزدەر جاعدايىندا بولدى.

بۇل ەلدەگى اۋقىمدى اسكەري جانجال ءبىر جىلدان استام ۋاقىتقا سوزىلۋدا.