قازاقستاندا كولىكتەرگە ارنالعان جۇيە جانار- جاعارمايدى 30 پايىزعا دەيىن ۇنەمدەۋگە مۇمكىندىك بەرەدى
بۇل تۋرالى «قازاقپارات» تىلشىسىنە بەرگەن سۇحباتىندا «Mobiliuz» كومپانياسىنىڭ باس ديرەكتورى رۋسلان ەگەمبايەۆ ءمالىم ەتتى.
«ءبىز كولىكتىڭ، جۇرگىزۋشىنىڭ جاعدايىن ۇنەمى باقىلاپ تۇراتىن جوبانى جۇزەگە اسىرۋدامىز. كەيىننەن بۇل مالىمەتتەردى قورىتىپ، تاپسىرىس بەرۋشىلەردىڭ جۇيەسىنە جىبەرەمىز. مىسالى، وندا كولىكتىڭ جانارمايدى قانشا كولەمدە جاعىپ تۇرعاندىعىنا، كولىكتى باسقارۋ كەزىندە جۇرگىزۋشىنىڭ جولدا ەرەجە بۇزۋىنا تالداۋ جاسالادى. ياعني ءبىزدىڭ جاساعان تۇعىرناما كولىكتىڭ ەلەكرونيكاسىنا قوسىلادى جانە وندا ءبىرقاتار سەنسورلار جاساقتالعان. ونداعى مالىمەتتەر ستاندارتتى GSM بايلانىسىمەن بىزگە مالىمەتتەر تۇرىندە جىبەرىلەدى، ال ءبىز ءوز كەزەگىمىزدە سەرۆەرلەردە ونى وڭدەيمىز»، - دەدى ر. ەگەمبايەۆ.
ونىڭ سوزىنە قاراعاندا، قازاقستاندا بۇل جۇيەنى پايدالانۋشىلار رەتىندە قوعامدىق كولىكتەردىڭ، تاكسي كومپانيالارىنىڭ يەلەرى جانە ءتۇرلى كاسىپورىندار قىزىعۋشىلىق تانىتۋدا.
«ءبىز ءبىرقاتار شەت مەملەكەتتەردە دە كوممەرتسيالىق جوبالاردى ىسكە اسىرۋدامىز. ءبىزدىڭ جۇيە جانار- جاعارمايدى 30 پايىزعا دەيىن، سونىمەن قاتار كولىكتىڭ قۇرال- سايماندارى مەن قىزمەت كورسەتۋدە 20 پايىزعا دەيىن قارجى ۇنەمدەۋگە مۇمكىندىك بەرەدى. بيزنەستىڭ اۋقىمىندا بۇل وتە قوماقتى قارجى»، - دەدى باس ديرەكتور.
مۇنىمەن قوسا ول الداعى جىلى ءبىرقاتار جاڭا سەرۆيستەر ەنگىزىلەتىنىن اتاپ ءوتتى.
اۆتور: رۋسلان عابباسوۆ
