قوناقۇيگە اسكەري ۇشاق قۇلاپ، 30 ادام قازا تاپتى

استانا. قازاقپارات - يندونەزيانىڭ استاناسىنىڭ پروۆينتسياسى سولتۇستىك سۋماترا مەداندا Hercules C-130 اسكەري ۇشاعى اۋەدە جارىلعاننان كەيىن قوناقۇيگە قۇلادى، - دەپ حابارلايدى ر ي ا نوۆوستي.

اۋە كەمەسى Golden Eleve قوناقۇيىنە قۇلاۋدان بۇرىن ەكى عيماراتتى جاناپ ءوتتى.

ۇشاقتىڭ مەدان اسكەري بازاسىنان ۇشىپ شىققانى جانە ناتۋنا ارالىنا باعىت العانى انىقتالدى. قازىرگى ۋاقىتتا 30 ادامنىڭ قازا بولعانى حابارلانىپ وتىر. «سوڭعى مالىمەتتەرگە قاراعاندا، 30 ادام قازا تاپتى... قايتىس بولعانداردىڭ سانى ءوسۋى مۇمكىن»، - دەپ مالىمدەدى يندونەزيانىڭ قۇتقارۋ قىزمەتىنىڭ وكىلى حيسارا تۋرنيپا. قازىرگى ۋاقىتتا اپات ورنى ورتەنىپ جاتىر، وقيعا ورنىندا ونداعان ارنايى ماشينا بار. زارداپ شەككەندەر ادام ماليك اتىنداعى اۋرۋحاناعا ءتۇسىپ جاتىر.

ال AFP مالىمەتىنشە، پوليتسيا التى ادامنىڭ قازا بولعانىن راستادى. «مايىتتەر ۇشاق پەن عيماراتتىڭ قيراندىلارىنىڭ اراسىندا. ولاردى ءبىر-بىرلەپ شىعارىپ جاتىرمىز»، - دەدى مەدان قالالىق پوليتسياسىنىڭ باسشىسى.