اسكەري تەڭىزشىلەر 30 كۇندىك دايارلىق كۋرسىنان وتۋدە
تەوريالىق جانە پراكتيكالىق ساباقتاردىڭ 30 كۇندىك باعدارلاماسى سۇڭگۋىرلىك تۇسۋلەردى قامتاماسىز ەتەتىن اتقىشتاردى، تەحنيك-جۇرگىزۋشىلەردى، ج ج م قىزمەتىنىڭ ماماندارىن، راديو جانە سپۋتنيكتىك بايلانىس اعا ماماندارىن، جىلجىمالى رەكومپرەسسيالىق ستانسيالاردىڭ جۇرگىزۋشىلەرىن، سونداي-اق زىمىراندىق-ارتيللەريالىق قارۋ-جاراق، شتۋرماندىق جاۋىنگەرلىك ءبولىم مەن بايلانىس ماماندارىن دايارلاۋدى كوزدەيدى.
كاسپيي تەڭىزىنىڭ قازاقستاندىق سۋ ايدىنىندا تۇرعان وسى جيىنداردىڭ ارقاسىندا قازاقستان اسكەري-تەڭىز كۇشتەرىنىڭ اسكەري قىزمەتشىلەرى شەبەرلىكتەرى مەن كاسىبي سايكەس كەلۋىن راستاپ قانا قويماي، بىلىكتىلىگىن ارتتىراتىن بولادى.
ەسكە سالساق، بىلتىرعى جىلى رەسەي تەڭىزشىلەرىمەن بىرلەسە قازاقستاننىڭ سۋ ايدىنىندا ءىرى وقۋ-جاتتىعۋلار وتكىزىلدى. مانەۆرلەردى باسقارۋ قازاقستاندىق قولباسشىلىقپەن جۇزەگە اسىرىلدى. رەسەيلىك ارىپتەستەرىمىز ءبىزدىڭ تەڭىزشىلەردىڭ دايىندىعىن جوعارى باعالادى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.