اقمولا وبلىسىنىڭ اكىمى 300 گە جۋىق ادامدى قابىلدادى

كوكشەتاۋ. قازاقپارات - اقمولا وبلىسىنىڭ اكىمى ەرمەك مارجىقپايەۆ جەكە ماسەلەسىمەن كەلگەن ازاماتتاردى قابىلداۋ كۇنىن وتكىزدى، دەپ حابارلايدى قازاقپارات ءتىلشىسى.

قابىلداۋعا وبلىس اكىمىنىڭ ورىنباسارلارى، وبلىستىق دەپارتامەنتتەر مەن باسقارمالاردىڭ باسشىلارى، كوكشەتاۋ قالاسىنىڭ اكىمدىگى، قۇقىق قورعاۋ ورگاندارى، كوممۋنالدىق قىزمەتتەر، ازاماتتارعا ارنالعان ۇكىمەت كورپوراتسياسى مەن Nur Otan پارتياسى جانە ەكىنشى دەڭگەيلى بانكتەردىڭ باسشىلارى قابىلدادى.

جالپى، بۇل كۇنى قابىلداۋعا وبلىستىڭ ءار اۋدانىنان 300 گە جۋىق تۇرعىن كەلدى. ونىڭ 91 ى تىكەلەي وبلىس اكىمى ەرمەك مارجىقپايەۆقا جولىعىپ، ساۋالىن قويدى.

سۇراقتاردىڭ دەنى باسپانامەن قامتاماسىز ەتۋ، تۇرعىن ءۇي قۇرىلىسى ءۇشىن جەر تەلىمىن الۋ، كاسىپكەرلىك جانە اگروونەركاسىپ كەشەندەرىن قولداۋ بويىنشا مەملەكەتتىك باعدارلاماعا قاتىسۋ، جولداردى جوندەۋ، كوكشەتاۋ قالاسىنداعى اپاتتى تۇرعىن ءۇي مەن اباتتاندىرۋعا، سپورتتى دامىتۋ، سۋ باسىپ كەتۋ ءقاۋپى بار ەلدى مەكەندەرگە قاتىستى ماسەلەلەردى كوتەردى. سۇراقتاردىڭ ءبىرازى سول جەردە شەشىلىسە، قالعانى باقىلاۋعا الىندى.

«مەملەكەت باسشىسى قاسىم-جومارت توقايەۆتىڭ باستاماسىمەن قولعا الىنعان «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ شەڭبەرىندە ءۇشىنشى رەت وسىنداي اشىق ەسىك كۇنىن وتكىزىپ وتىرمىز. ءتورت ساعاتتىڭ ىشىندە 300 گە جۋىق ادامدى قابىلدادىق. ونىڭ ۇشتەن ءبىرىن وسى جەردە شەشتىك. ايىنا ءبىر رەت وسىنداي قابىلداۋ وتكىزىپ تۇرۋىمىز كەرەك»، - دەدى ايماق باسشىسى.