سالماعى 300 كەلىلىك «قاجىمۇقان تاسىن» كوتەرە الاتىن بالۋان تابىلدى
زىلدەي اۋىر تاستى كوتەرۋ ءۇشىن ەلىمىزدىڭ ءار تۇكپىرىنەن قارا كۇش يەلەرى جينالدى. ەرەسەك ازاماتتار باعىندىرا الماعان اۋىر تاستى 19 جاستاعى اقسۋ قالاسىنىڭ تۇرعىنى كوتەرىپ الدى. «مەن بۇل تاستى كوتەرەتىنىمە تولىق سەنىمدى بولدىم. باستىسى، تاستى دۇرىس ۇستاپ، تەحنيكانى دۇرىس جاساۋ»، - دەدى جەڭىمپاز.
ايتا كەتەيىك، سالماعى 300 كەلىدەي بولاتىن تاستى استاناعا باياناۋىل دالاسىنان ارنايى الىپ كەلگەن. ءدال وسى جەردە اتاقتى بالۋان قاجىمۇقان تاستى قولىندا ۇستاپ، قارا كۇش يەسى ەكەندىگىن دالەلدەگەن.
«ءبىز مۇنداي جارىستاردى قازاق ەلىن الەمگە تانىتقان رۋحتى باتىرلارىمىزعا قۇرمەت كورسەتۋ ماقساتىندا وتكىزىپ كەلەمىز. وسىنداي جارىس ءۇشىنشى رەت وتۋدە، الايدا تاستى جەردەن كوتەرە الاتىن ادام بيىل عانا انىقتالىپ وتىر»، - دەيدى پاۆلودار وبلىستىق دەنە شىنىقتىرۋ جانە سپورت باسقارماسىنىڭ باسشىسى مارات ايداشەۆ.
ءوز كەزەگىندە پاۆلودار وبلىسىنىڭ اكىمى بولات باقاۋوۆ جەڭىمپازدى قۇتتىقتاپ، امىرە باعۇستارعا جاڭا تەلەديداردى سىيعا تارتتى.