ساراپشىلار دوللاردىڭ 300 تەڭگەگە دەيىن تومەندەيتىندىگىن بولجاۋدا
« KASE- ءنىڭ ۆاليۋتا سەگمەنتىندە ا ق ش دوللارىنىڭ 300 تەڭگەگە دەيىن تومەن ءتۇسۋى مۇمكىندىگى تالقىلانۋدا. مۇنداي بولجام بار، ءبىراق ونىڭ جاقىندا ورىن الۋى ناقتى ەمەس. ازىرشە مۇناي قۇنى جوعارى ساقتالىپ وتىرعاندا، شيكىزاتتىق ۆاليۋتالار ءبىرشاما قولداۋعا يە بولۋدا. باررەل باعاسى تۇراقتى دەڭگەيدەن شىققان كەزدە، تەڭگە دەڭگەيى دە وزگەرىسكە ۇشىرايتىنى انىق»، - دەپ حابارلادى ول.
ونىڭ سوزىنە قاراعاندا، ۆاليۋتا باعامىنىڭ وسى اپتاداعى بولجامدارى بەيتاراپ قالىپ وتىر، قولدا بار ءۇردىس جالعاسىن تابادى دەپ كۇتىلۋدە. ا ق ش دوللارى 320,55-322,85 تەڭگە ارالىعىندا ساۋدالانسا، ەۋرو 342,50-346,50 تەڭگە ماڭايىندا قالادى.
وتكەن اپتانى قورىتىندىلاعان ساراپشى، قازاقستاندىق ۆاليۋتا ءبىرشاما اۋىتقىعاندىعىن اتاپ ءوتتى. نارىقتىق كوڭىل- كۇيلەر دوللاردىڭ 324,62 تەڭگەگە دەيىن كوتەرىلۋىنە سەپ بولدى. دەگەنمەن ينۆەستورلار ءسال سايابىرسىپ، امەريكالىق ۆاليۋتانى 323,55 تەڭگەگە ءتۇسىردى. دۇيسەنبى، 13 - اقپانداعى ۆاليۋتا باعامىنىڭ ورتاشا دەڭگەيى 321,66 تەڭگە كولەمىندە تىركەلدى. قازاقستاندىق ۆاليۋتا نىعايا باستادى.
ا. بودروۆانىڭ ەسكە سالۋىنشا، مۇناي قۇنى، كۇن ىشىندەگى تۇراقسىزدىققا قاراماستان، باررەلىنە $55-57,50 ورتاشامەرزىمدىك ساۋدا دياپازونىندا قالۋدا.
«ينۆەستورلار حالىقارالىق ەنەرگەتيكالىق اگەنتتىكتىڭ بيىلعى جىلدىڭ باسىنان باستاپ مۇناي ءوندىرىسىنىڭ كولەمىن ازايتۋعا قاتىستى كورسەتكىشتەرىنە وڭ قاباق تانىتۋدا. مۇناي ءوندىرىسى ورتاشا ەسەپپەن تاۋلىگىنە 1,4 ميلليون باررەلگە دەيىن تومەندەگەن. بۇل وپەك ەلدەرىنىڭ كەلىسىمىندە كورسەتىلگەن دەڭگەيمەن پارا- پار. ساۋدا قاتىسۋشىلارى بۇعان ءبىرشاما بەلسەندى نازار اۋدارعانى بايقالدى، مۇناي قۇنى بىردەن كوتەرىلدى، الايدا كوپ ۇزاماي، ءوزىنىڭ بۇرىنعى دەڭگەيىنە قايتا ورالدى»، - دەپ ءتۇيدى ءسوزىن ا. بودروۆا.
اۆتور: جاسۇلان جولدىبايەۆ
