قازاقستان ەكونوميكاسىنىڭ ءوسۋ قارقىنى 3,5 پايىزعا جەدەلدەدى
بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى قازاقپارات ءتىلشىسى.
«وسى جىلعى قاڭتار- اقپان ايلارىندا قازاقستان ەكونوميكاسىنىڭ ءوسۋ قارقىنى 3,5 پايىزعا دەيىن جەدەلدەدى. اتالعان ەسەپتى كەزەڭدە نەگىزگى ترەندتەر بويىنشا ناقتى سەكتور ءوسىمنىڭ جەدەلدەۋى، ساۋدا مەن بايلانىستا ءوسۋدىڭ وسى جىلعى قاڭتارداعى تومەندەۋدەن كەيىن قالىپقا كەلۋى، ءوندىرۋشى ەمەس سەكتورلارداعى ينۆەستيتسيالاردىڭ قارقىندى ءوسۋى بايقالۋدا. ناقتى سەكتورداعى ءوسىم 4,7 پايىزدى قۇرادى. قىزمەت كورسەتۋ سالاسىندا ىسكەرلىك بەلسەندىلىك 2,1 پايىزعا دەيىن ۇلعايدى»، - دەدى مينيستر.
ونىڭ اتاپ وتۋىنشە، سالالار اراسىندا كولىك جانە قويمالاۋ، قۇرىلىس، تاۋ- كەن ءوندىرۋ ونەركاسىبى، ساۋدا، سۋمەن جابدىقتاۋ، اقپارات جانە بايلانىس، وڭدەۋ ونەركاسىبى، اۋىل شارۋاشىلىعى وڭ ءوسىم كورسەتۋدە. نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى 2,6 پايىزدى قۇرادى. تاۋ- كەن ءوندىرۋ ونەركاسىبىن ەسەپكە الماعاندا نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى 5,7 پايىز بولدى.
«ينۆەستيتسيالار قۇرىلىس سالاسىندا - 2,2، ءبىلىم بەرۋدە - 2,2 ەسەگە، مەملەكەتتىك باسقارۋ؛ الەۋمەتتىك قامسىزداندىرۋدا – 63، عىلىمي جانە تەحنيكالىق قىزمەتتە – 34، ساۋدادا – 32، جىلجىمايتىن مۇلىكپەن وپەراتسيالار سالاسىندا – 19، ونەر، ويىن- ساۋىق جانە دەمالىستا - 18,7، كولىك جانە قويمالاۋدا 17,2 پايىزعا ءوستى. وڭىرلەر اراسىندا ەڭ جوعارعى كورسەتكىش قىزىلوردا جانە پاۆلودار وبلىستارىندا، سونداي- اق شىمكەنت قالاسىندا بايقالۋدا»، - دەدى الىبەك قۋانتىروۆ.