قازاقستاندا كوروناۆيرۋسقا شالدىققاندار 3,2 ەسە ءوستى
بۇل تۋرالى ۇكىمەت وتىرىسىندا دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«بۇكىل الەمدە كوروناۆيرۋس ينفەكسياسىنا شالدىعۋ دەڭگەيى ءوسىپ كەلەدى. ەلىمىزدە پاندەميا باستالعاننان بەرى رەسمي ستاتيستيكاعا سايكەس، كوروناۆيرۋس ينفەكسياسىمەن 1 ميلليون 400 مىڭنان استام ادام اۋىرىپ، اۋرۋدىڭ 5 تولقىنى بولدى. ماۋسىمنىڭ 20-سىنان باستاپ رەسپۋبليكا بويىنشا ك ۆ ي-نىڭ كوتەرىلۋى باستالدى. سوڭعى ەكى اپتادا اۋىرعان ادامداردىڭ سانى (10714 جاعدايدان 34550 جاعدايعا دەيىن) 3,2 ەسە ءوستى. وتكەن تاۋلىكتە ك ۆ ي-دىڭ وڭ ناتيجەسىمەن 2021 جاعداي، ك ۆ ي-دىڭ تەرىس ناتيجەسىمەن 1 جاعدايى تىركەلدى، ءولىم-ءجىتىم بولعان جوق»، - دەدى ا. عينيات.
ونىڭ ايتۋىنشا، مينيسترلىك 15-شىلدەدەن باستاپ سىرقاتتانۋ كورسەتكىشىن 100 مىڭ تۇرعىنعا شاققانداعى اۋرۋحاناعا جاتقىزۋ كورسەتكىشىنە اۋىستىرا وتىرىپ، ءتيىستى ماتريتسانى وزەكتەندىردى. سونىمەن قاتار مينيستر تامىز ايىندا كوروناۆيرۋس ينفەكسياسىنىڭ ورتاشا تاۋلىكتىك كورسەتكىشى 4 مىڭ جاعدايعا دەيىن وسەتىندىگىن، الايدا قىركۇيەك ايىندا كوروناۆيرۋستىڭ تارالۋى تومەندەيتىنىن بولجادى.
