سەمەيدە سوڭعى 3 جارىم ايدا 129 ەرلى-زايىپتى اجىراسقان
سەمەي. قازاقپارات - سەمەي قالاسىندا بيىل 500 دەن استام جۇپ شاڭىراق كوتەرسە، 129 ەرلى- زايىپتى اجىراسقان، دەپ حابارلايدى قازاقپارات ءتىلشىسى.
بۇل تۋرالى اقپارات ورتالىعىندا وتكەن باسپا ءسوز ءماسليحاتىندا قالالىق جۇمىسپەن قامتۋ، الەۋمەتتىك باعدارلامالار جانە ازاماتتىق حال اكتىلەرىن تىركەۋ ءبولىمىنىڭ باس مامانى بايان بەيسەكەيەۆا ءمالىم ەتتى.
ونىڭ ايتۋىنشا، 2022 -جىلدىڭ العاشقى 3 جارىم ايىندا 561 جۇپ وتباسىن قۇرعان. مۇنداي كورسەتكىشتىڭ تىركەلمەگەنىنە بىرنەشە جىل بولعان. بيىل ۇيلەنگەندەر سانىنىڭ كۇرت ارتۋىنا كوروناۆيرۋس پاندەمياسىنا قاتىستى شەكتەۋلەردىڭ جەڭىلدەۋى سەبەپ بولۋى ىقتيمال.
«جىل باسىنان بەرى 129 ەرلى-زايىپتى نەكەسىن بۇزدى. بالا تۋۋ تۋرالى ايتار بولساق، بيىلعى بىرنەشە ايدا 1768 نارەستە دۇنيەگە كەلدى. ال وتكەن جىلى 426 نەكە بۇزىلسا، جاڭا تۋعان نارەستە سانى – 6898 دى قۇراعان»، - دەدى بايان بەيسەكەيەۆا.
2021 -جىلى تەگىن، اتىن نەمەسە اكەسىنىڭ اتىن اۋىستىرۋعا 223 ءوتىنىش قابىلداندى. قازىرگى ۋاقىتتا ا ح ا ت ءبولىمى ح ق و-دان بولەك، ەلەكتروندى ۇكىمەت پورتالى ارقىلى دا جۇمىس ىستەۋدە.
ەستەرىڭىزگە سالا كەتسەك، وسىعان دەيىن سەمەيدە «سەرگەك» كامەرالارى ماۋسىم ايىندا ىسكە قوسىلاتىنىن حابارلاعان ەدىك.
