تۇركياداعى جەر سىلكىنىسى: 2 قازاقستاندىق بولۋى مۇمكىن ءۇيىندى ارشىلىپ جاتىر
ۇيىندىلەردى قازۋ ءۇشىن ارنايى كران جەتكىزىلدى، دەپ حابارلايدى قازاقپارات ءتىلشىسى.
بۇل تۋرالى Astana Hub باس ديرەكتورى ماعجان ماديەۆ Instagram جەلىسىندە ايتتى.
بۇعان دەيىن ماعجان ماديەۆ ميرۋس قۇرماشيەۆ پەن ءادىل قادىربەكوۆتىڭ لوكاتسياسى تابىلعانىن، ولاردىڭ ءۇيىندى استىندا جابۋى ابدەن مۇمكىن ەكەنىن جازعان ەدى.
«ءۇيىندى استىندا ءتىرى ادامدار جاتسا دا، قازبا جۇمىستارى باياۋ ءجۇرىپ جاتىر. تەحنيكا، كران كەرەك، قۇتقارۋدى تەزدەتەتىن ادام كۇشى كەرەك. مۇندا ءاربىر مينۋت ماڭىزدى»، - دەپ جازدى م. ماديەۆ ءوزىنىڭ Telegram پاراقشاسىندا.
ماعجان ماديەۆ جوعالعانداردى ىزدەۋ ءۇشىن حاتاي وڭىرىنە ءوزى بارعان.
كەشە ولارمەن بىرگە بولعان سابينا مامادياروۆا مەن ولاردىڭ تۇرىك دوسى كۋبيلاي كەسكين تابىلعان ەدى. سابينانىڭ قولى سىنعان جانە اۋرۋحاناعا جەتكىزىلدى.
رەسمي دەرەككە سايكەس، تۇركياداعى جەر سىلكىنىسىنەن قازا بولعاندار سانى 12,3 مىڭنان استى، 62914 ادام جاراقات الدى. حالىقتى ورنالاستىرۋ ءۇشىن 70818 شاتىر تىگىلگەن.
قازاقستان قۇتقارۋشىلارىنىڭ ەكىنشى توبى گازيانتەپ قالاسىنا جەتكىزىلدى.
بۇل ۇشاق قايتار جولدا قازاقستان مەن قىرعىزستاننىڭ 64 ازاماتىن ەۆاكۋاتسيالادى.